കൊച്ചി: നടി ആക്രമിക്കപ്പെട്ട കേസിൽ കുറ്റാരോപിതനായി ജയിലിൽ കഴിയുന്ന നടൻ ദിലീപിന് പിന്തുണ അറിയിച്ച് നടനും തിരക്കഥാകൃത്തും സംവിധായകനുമായ ശ്രീനിവാസൻ. ഇത്തരമൊരു മണ്ടത്തരം ദിലീപ് കാണിക്കുമെന്ന് താൻ കരുതുന്നില്ല. ദിലീപിൻ്റെ നിരപരാധിത്വം കാലം തെളിയിക്കുമെന്നും ശ്രീനിവാസൻ പറഞ്ഞു.
എം എൽ എയും നടനുമായ കെ ബി ഗണേഷ് കുമാർ ദിലീപിനെ ജയിലിൽ സന്ദർശിച്ചതിനു ശേഷം പിന്തുണയുമായി രംഗത്തെത്തിയിരുന്നു. ഇത് വിവാദമാകുകയും ഗണേഷ് കുമാറിന് എതിരെ അന്വേഷണസംഘം കോടതിയെ സമീപിക്കുകയും ചെയ്തിരുന്നു. ഇതിന് തൊട്ടു പിന്നാലെയാണ് ദിലീപിന് പൂർണപിന്തുണ പ്രഖ്യാപിച്ച് ശ്രീനിവാസനും രംഗത്ത് എത്തിയിരിക്കുന്നത്.
ഇതിനിടെ ദിലീപിൻ്റെ സന്ദർശകർക്ക് നിയന്ത്രണം ഏർപ്പെടുത്താൻ ജയിൽ വകുപ്പ് തീരുമാനിച്ചിരുന്നു. സിനിമാ മേഖലയിൽ നിന്ന് കൂട്ടത്തോടെ ആളുകൾ ദിലീപിനെ സന്ദർശിക്കാൻ ജയിലിൽ എത്തുന്ന സാഹചര്യത്തിൽ ആയിരുന്നു ജയിൽ വകുപ്പിൻ്റെ തീരുമാനം.
Actor Sreenivasan supporting Dileep in actress attack case
Actor Sreenivasan says Dileep will not do foolishness like this, in actress attack case.