നടൻ വിജയരാഘവന്‍ ദിലീപിനെ സന്ദര്‍ശിച്ചു

ആലുവ: നടിയെ ആക്രമിച്ച കേസില്‍ റിമാൻഡിൽ കഴിയുന്ന നടൻ ദിലീപിനെ നടന്‍ വിജയരാഘവന്‍ നിര്‍മ്മാതാവ് രഞ്ജിത്ത് എന്നിവര്‍ സന്ദര്‍ശിച്ചു. വ്യാഴാഴ്ച്ച രാവിലെയോടെ ആലുവ സബ് ജയിലിലെത്തിയ ഇരുവരും ദിലീപുമായി കൂടിക്കാഴ്ച്ച നടത്തി.

ചലച്ചിത്രമേഖലയില്‍ നിന്നുളള ഒട്ടേറെ പേരാണ് കഴിഞ്ഞ ദിവസങ്ങളിലായി ദിലീപിനെ സന്ദര്‍ശിക്കാനെത്തുന്നത്. നടനും എംഎൽഎയുമായ എം ബി ഗണേഷ്കുമാർ കഴിഞ്ഞ ദിവസം ദിലീപിനെ സന്ദര്‍‍ശിച്ചിരുന്നു. സിനിമാ മേഖലയിൽ ഉള്ളവർ ദിലീപിന് പിന്തുണ പ്രഖ്യാപിക്കണമെന്നും ഗണേഷ് പറഞ്ഞു.

ഗണേഷ്കുമാറിനു പുറമെ നടൻമാരായ ജയറാം, ഹരിശ്രീ അശോകൻ, സുരേഷ് കൃഷ്ണ, കലാഭവൻ ഷാജോൺ, സുധീർ, സംവിധായകരായ രഞ്ജിത്, നാദിർഷാ, നിർമാതാക്കളായ ആന്റണി പെരുമ്പാവൂർ, അരുൺ ഘോഷ്, ബിജോയ് ചന്ദ്രൻ തിരക്കഥാകൃതിരക്കഥാകൃത്ത് ബെന്നി പി.നായരമ്പലം, ഏലൂർ ജോർജ് തുടങ്ങിയവരാണ് കഴിഞ്ഞ ദിവസങ്ങളിൽ ജയിലിലെത്തി ദിലീപിനെ സന്ദര്‍ശിച്ചവര്‍. നേരത്തെ ഭാര്യ കാവ്യാ മാധവനും മകൾ മീനാക്ഷിയും ആലുവ സബ് ജയിലിലെത്തി ദിലീപിനെ കണ്ടിരുന്നു.

Actor Vijayaraghavan visits Dileep at Aluva sub-jail

Actor Vijayaraghavan and producer Ranjith visits Dileep at Aluva sub-jail