Manju Warrier: കേരളം മുന്നോട്ടു പോകട്ടെ, വനിതാ മതിലിനൊപ്പമെന്ന് മഞ്ജു വാര്യര്‍

കൊച്ചി: സംസ്ഥാന സര്‍ക്കാരിന്‍റെ നേതൃത്വത്തില്‍ ജനുവരി ഒന്നിന് നടക്കുന്ന വനിതാ മതിലിന് പിന്തുണയുമായി നടി മഞ്ജു വാര്യര്‍. വനിതാ മതില്‍ പരിപാടിയുടെ ഒൗദ്യോഗിക ഫേസ്ബുക്ക് പേജിലൂടെയാണ് മഞ്ജു പിന്തുണയറിയിച്ച് രംഗത്തെത്തിയത്.

നവോത്ഥാന മൂല്യങ്ങള്‍ സംരക്ഷിക്കണം. സ്ത്രീപുരുഷ സമത്വം അനിവാര്യമാണെന്നും കേരളം മുന്നോട്ട് പോകട്ടെയെന്നും മഞ്ജു പറഞ്ഞു. താന്‍ വനിതാ മതിലിന് ഒപ്പമാണെന്നും മഞ്ജു കൂട്ടിച്ചേര്‍ത്തു.


അതേസമയം വനിതാ മതിലിനെ പിന്തുണച്ചു കൊണ്ട് നിരവധി സ്ത്രീകള്‍ രംഗത്തെത്തിയിട്ടുണ്ട്. കെ പി എസി ലളിത, എഴുത്തുകാരികളായ തനുജാ ഭട്ടതിരി, പാര്‍വ്വതി പവനന്‍, ഡോ എം ലീലാവതി, സാമൂഹിക പ്രവര്‍ത്തക കെ അജിത, തുടങ്ങിയവര്‍ ഫേസ്ബുക്കിലൂടെ പിന്തുണ അറിയിച്ചിട്ടുണ്ട്.