യുവമോര്‍ച്ച ആക്രമണം: ശശി തരൂരിന് അധികസുരക്ഷ

ബിജെപി ആശയങ്ങളെ ഗുണ്ടായിസം കൊണ്ടാണ് നേരിടുന്നത്. ജനപ്രതിനിധികളെയും ബിജെപിക്കെതിരെ സംസാരിക്കുന്നവരെയും നിശബ്ദരാക്കാനാണഅ ബിജെപിയുടെ ഇത്തരം പ്രതിഷേധമാര്‍ഗങ്ങള്‍. ഹിന്ദു പാകിസ്താന്‍ എന്ന പ്രയോഗത്തിലൂടെ ഞാൻ പാകിസ്താനെ പ്രകീര്‍ത്തിക്കുകയല്ല ചെയ്തത്, മറിച്ച് പാകിസ്താന്‍ ഒരു മതത്തി‍ന്‍റെ തത്വങ്ങള്‍ക്കനുസരിച്ച് പ്രവര്‍ത്തിക്കുന്ന രാജ്യമാണ് എന്നതുപോലെ ഹിന്ദു രാഷ്ട്രമാക്കുന്നതിലൂടെ ഇന്ത്യയും അങ്ങനെയാകുമെന്നാണ് ഞാൻ പറഞ്ഞത്. ഇന്ത്യ ഹിന്ദു രാഷ്ട്രമാക്കുമെന്ന ബിജെപിയുടെ പ്രഖ്യാപനത്തെക്കുറിച്ച് ചോദിക്കുമ്പോള്‍ അവര്‍ മൗനം പാലിക്കുകയാണ്. എന്നാൽ ഹിന്ദുരാഷ്ട്രത്തിനായാണ് പ്രവര്‍ത്തിക്കുന്നതെന്ന് ആര്‍എസ്എസ് മേധാവി തന്നെ സമ്മതിക്കുന്നുണ്ട്. ഞാൻ ഇത് പറഞ്ഞതിന് ബിജെപിക്കാര്‍ എന്നെ വിമര്‍ശിക്കുകയാണ്. ബിജെപിയുടെ ഇത്തരം പ്രവര്‍ത്തികള്‍ക്ക് ഹിന്ദുക്കളുടെ പിന്തുണയുണ്ടെന്ന് തോന്നുന്നില്ല.