ഇലക്ട്രിക് പോസ്റ്റുകളില്‍ പരസ്യം വേണ്ട; പണികിട്ടും

കാക്കനാട്: സംസ്ഥാന വൈദ്യുത ബോര്‍ഡ് സ്ഥാപിച്ചിട്ടുള്ള ഇലക്ട്രിക് പോസ്റ്റുകളിലും ട്രാന്‍സ്‌ഫോമറുകളിലും അനുബന്ധ ഉപകരണങ്ങളിലും പരസ്യബോര്‍ഡുകളും മറ്റും സ്ഥാപിക്കുന്നത് ശിക്ഷാര്‍ഹമാണെന്ന് അഡീ.ജില്ലാ മജിസ്‌ട്രേറ്റ് അറിയിച്ചു.

ജീവനക്കാര്‍ക്കും പൊതുജനങ്ങള്‍ക്കും അപകടഭീഷണി ഉയര്‍ത്തുന്നതിനാല്‍ ഇവ ഇന്ത്യന്‍ ഇലക്ട്രിസിറ്റി ആക്ട് 2013 (സെക്ഷന്‍ 139) പ്രകാരം കുറ്റകരമാണ്. ഇത്തരത്തില്‍ ബോര്‍ഡുകള്‍ സ്ഥാപിയ്ക്കുന്നവര്‍ക്കെതിരെ 10,000 രൂപ വരെ പിഴയീടാക്കുമെന്നും അധികൃതര്‍ അറിയിച്ചു.