കൊച്ചി: ജിഷ വധക്കേസിൽ പ്രതി അമീറുൾ ഇസ്ലാമിന് നീതി നിഷേധിക്കപ്പെട്ടുവെന്ന് അമീറുളിൻ്റെ അഭിഭാഷകൻ അഡ്വ. ആളൂർ. കേസിൽ അമീറുൾ കുറ്റക്കാരനാണെന്ന് കോടതിവിധി വന്നതിനു ശേഷം മാധ്യമങ്ങളോട് സംസാരിക്കവെയാണ് ആളൂർ ഇങ്ങനെ പറഞ്ഞത്.
ജനാധിപത്യരാജ്യമായ ഇന്ത്യയിൽ അമീറുളിന് നീതി നിഷേധിക്കപ്പെടുക ആയിരുന്നു. പ്രതി സംഭവസ്ഥലത്ത് ഉണ്ടായിരുന്നു എന്നതു കൊണ്ടു മാത്രമാണ് ശിക്ഷാർഹനായത് എന്നും അദ്ദേഹം പറഞ്ഞു.
പ്രതി കുറ്റക്കാരനാണെന്ന് തെളിഞ്ഞതിനാൽ പരമാവധി ശിക്ഷയായ വധശിക്ഷ നൽകണം എന്നായിരിക്കും പ്രോസിക്യൂഷൻ വാദിക്കുക. അതിനാൽ, പ്രതിക്ക് കുറഞ്ഞ ശിക്ഷ നൽകണമെന്ന് താൻ വാദിക്കുമെന്നും അഡ്വ. ആളൂർ മാധ്യമപ്രവർത്തകരോട് പറഞ്ഞു.