മനുഷ്യാവകാശ കമ്മീഷന്‍ അധ്യക്ഷനെതിരെ വിമര്‍ശനവുമായി കോടിയേരി

തിരുവനന്തപുരം: മുഖ്യമന്ത്രിക്കു പിന്നാലെ മനുഷ്യാവകാശ കമ്മീഷന്‍ അധ്യക്ഷനെതിരെ വിമര്‍ശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. രാഷ്ട്രീയ പ്രവര്‍ത്തകരെപ്പോലെ കമ്മീഷന്‍ നിലപാട് പറയാന്‍ പാടില്ലെന്ന് കോടിയേരി ബാലകൃഷ്ണ്‍ തിരുവനന്തപുരത്ത് പറഞ്ഞു.

മനുഷ്യാവകാശ കമ്മീഷന്റെ ചെയര്‍മാന്‍ ഒരു രാഷ്ട്രീയക്കാരനെപ്പോലെ അഭിപ്രായം പറയുന്നത് ശരിയല്ല. അങ്ങനെയാണെങ്കില്‍ അദ്ദേഹം ആ സ്ഥാനം രാജിവെച്ച് രാഷ്ട്രീയപ്രവര്‍ത്തനം നടത്താന്‍ പോകുന്നതാണ് നല്ലതെന്നും കോടിയേരി പറഞ്ഞു.

വരാപ്പുഴയിലെ കസ്റ്റഡി മരണം സംബന്ധിച്ച് മനുഷ്യാവകാശ കമ്മീഷന്‍ അധ്യക്ഷന്‍ പി.മോഹന്‍ദാസിനെതിരെ ഇന്നലെ മുഖ്യമന്ത്രി പിണറായി വിജയന്‍ രൂക്ഷ വിമര്‍ശനം ഉന്നയിച്ചിരുന്നു. കമ്മീഷന്‍ അവരുടെ ചുമതലയാണ് വഹിക്കുന്നതെന്ന ഓര്‍മ വേണം. മുന്‍കാല രാഷ്ട്രീയ നിലപാടിന്റെ അടിസ്ഥാനത്തില്‍ പ്രസ്താവന നടത്തരുതെന്നും മുഖ്യമന്ത്രി പറഞ്ഞു.