ലക്ഷ്യം ഈഴവ വോട്ടുകള്‍
ചില ജില്ലകളിൽ ബിഡിജെഎസ് നേതാക്കളുമായി ബിജെപിയ്ക്കുള്ള അകൽച്ച കുറയ്ക്കുകയാണ് ചര്‍ച്ചയുടെ പ്രധാന ഉദ്ദേശം. ഇതിനു പുറമെ ഉപതെരഞ്ഞെടുപ്പും വരാനിരിക്കുന്ന തദ്ദേശ തെരഞ്ഞെടുപ്പും ലക്ഷ്യമിട്ട് ബിജെപി വോട്ടുകള്‍ ഉറപ്പിക്കാനും ബിജെപി ലക്ഷ്യമിടുന്നു. സംസ്ഥാന ബിജെപി അധ്യക്ഷൻ കെ സുരേന്ദ്രൻ അടക്കമുള്ള നേതാക്കല്‍ പങ്കെടുക്കുന്ന ചര്‍ച്ചകളാണ് വിവിധ ജില്ലകളിൽ നടക്കുന്നതെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നത്. ജില്ല തിരിച്ചാണ് ചര്‍ച്ച നടക്കുന്നത്.
Also Read: ധനമന്ത്രിയ്ക്ക് കൊവിഡ്: മുഖ്യമന്ത്രിയും ആരോഗ്യമന്ത്രിയും സ്വയം നിരീക്ഷണത്തില്‍
സുഭാഷ് വാസു സ്ഥാനമൊഴിയണം
തുഷാര്‍ വെള്ളാപ്പള്ളിയും ബിഡിജെഎസ് ജില്ലാനേതാക്കളും അടക്കമുള്ളവരും ചര്‍ച്ചകളിൽ പങ്കെടുക്കുന്നുണ്ടെന്നാണ് റിപ്പോര്‍ട്ട്. അതേസമയം, സ്പൈസസ് ബോര്‍ഡ് ചെയര്‍മാൻ സ്ഥാനം രാജിവെക്കാൻ സുഭാഷ് വാസുവിനോട് ആവശ്യപ്പെടണമെന്ന് ചര്ച്ചയിൽ ആവശ്യപ്പെട്ട ജില്ലാ നേതാക്കള്‍ അല്ലാത്ത പക്ഷം നിയമനടപടികളുമായി മുന്നോട്ടു പോകുമെന്നാണ്തീരുമാനിച്ചിരിക്കുന്നതെന്നാണ് റിപ്പോര്‍ട്ട്.
Also Read: ന്യൂനമർദം: കേരളത്തിൽ കനത്ത മഴയ്ക്ക് സാധ്യതയെന്ന് കാലാവസ്ഥാ കേന്ദ്രം
സീറ്റ് വിഭജനവും ചര്‍ച്ചയായി
വരുന്ന തദ്ദേശ തെരഞ്ഞെടുപ്പിലെ സീറ്റ് വിഭജനവും ഇരുപാര്‍ട്ടികളും തമ്മിൽ ചര്‍ച്ച ചെയ്തിട്ടുണ്ട്. എല്ലാ വാര്‍ഡുകളിലും സ്ഥാനാര്‍ഥികളെ നിര്‍ത്താനാണ് ഇത്തവണ എൻഡിഎയുടെ തീരുമാനം. ഇരുപാര്‍ട്ടികളുടേയും നേതാക്കള്‍ക്ക് പുറമെ പൊതുസമ്മതരായവരെയും മത്സരിപ്പിക്കാനാണ് പദ്ധതി. ഇക്കാര്യത്തിൽ അന്തിമതീരുമാനമാകുന്നതിനു മുൻപ് മുന്നണിയിലെ മറ്റു ചെറു കക്ഷികളുമാും ബിജെപി ഉടൻ ചര്‍ച്ചകള്‍ നടത്തും. ആലപ്പുഴ, കോട്ടയം, ഇടുക്കി ജില്ലകളിലെ ബിഡിജെഎസ് നേതാക്കളുമായി അടുത്ത ദിവസമായിരിക്കും ചര്‍ച്ച. അതേസമയം, ചവറ ഉപതെരഞ്ഞെടുപ്പിൽ ബിജെപി സ്ഥാനാര്‍ഥി തന്നെയായിരിക്കും മത്സരിക്കുക. ജില്ലയിൽ നിന്നുള്ള യുവനേതാക്കള്‍ക്കാണ് ചവറ സീറ്റിലേയ്ക്ക് മുൻഗണനയെന്നാണ് റിപ്പോര്‍ട്ടുകള്‍.