കോൺഗ്രസ് പുന:സംഘടനക്ക് എഐസിസി മാർഗനിർദ്ദേശം

ന്യൂഡൽഹി: കോൺഗ്രസ് പുന:സംഘടനക്ക് എഐസിസി മാർഗനിർദ്ദേശം കൊണ്ടുവരാൻ തീരുമാനം. ജംബോ കമ്മറ്റികൾ ഒഴിവാക്കും. ഗ്രൂപ്പിനല്ല, മറിച്ച് പ്രകടന മികവിനാകും മുൻഗണന. പുന:സംഘടന നടത്തുമ്പോൾ ഇതനുസരിച്ചേ സ്ഥാനമാനങ്ങൾ നൽകാവൂ എന്നും നി‍ർദ്ദേശമുണ്ട്. തെരഞ്ഞെടുപ്പിലേറ്റ കനത്ത പരാജയത്തെ തുടർന്നാണ് കോൺഗ്രസ് പുനസംഘടനക്ക് എഐസിസി ഒരുങ്ങുന്നത്.

ഒറ്റക്കെട്ടായി മുന്നോട്ട് നീങ്ങണമെന്ന് എഐസിസി കേരളത്തിലെ നേതാക്കളോട് ആവശ്യപ്പെടും. ഇതിനായി നേതാക്കളെ ഡൽഹിക്ക് വിളിപ്പിച്ചിട്ടുണ്ട്. ശനിയാഴ്ച രാഹുൽ ഗാന്ധിയുടെ അധ്യക്ഷതയിൽ ചേരുന്ന യോഗത്തിൽ ഉമ്മൻചാണ്ടി, രമേശ് ചെന്നിത്തല, വി എം സുധീരൻ തുടങ്ങിയവർ പങ്കെടുക്കും.