എല്‍.ഡി.എഫിലെ ധാരണ പ്രകാരം സിപിഎമ്മിലെ അജിത ജയരാജന്‍ സ്ഥാനമൊഴിഞ്ഞതിനെ തുടര്‍ന്നാണ്‌ മേയറായി അജിത വിജയന് ചുമതലയേറ്റത്
Samayam Malayalam12 Dec 2018, 10:03 pm
തൃശൂര്‍: തൃശൂര്‍ കോര്‍പ്പറേഷന്‍ മേയറായി അജിത വിജയന് തിരഞ്ഞെടുക്കപ്പെട്ടു. കണിമംഗലം 42 -ാം ഡിവിഷനില്‍ നിന്ന് തെരഞ്ഞെടുക്കപ്പെട്ട സിപിഐ അംഗമാണ് അജിത വിജയന്. എല്‍.ഡി.എഫിലെ ധാരണ പ്രകാരം സിപിഎമ്മിലെ അജിത ജയരാജന്‍ സ്ഥാനമൊഴിഞ്ഞതിനെ തുടര്‍ന്നാണ്‌ മേയറായി അജിത വിജയന് ചുമതലയേറ്റത്.
Samayam Malayalam
55 അംഗങ്ങളുള്ള കോര്‍പ്പറേഷന്‍ തിരഞ്ഞെടുപ്പില്‍ 27 വോട്ടുകള്‍ അജിത വിജയന് നേടിയപ്പോള്‍ എതിര്‍ സ്ഥാനാര്‍ത്ഥി യു.ഡി.എഫിലെ അഡ്വ. സുബിബാബുവിന്‌ 21 വോട്ടുകളാണ്‌ ലഭിച്ചത്‌. 5 പേര്‍ വോട്ടെടുപ്പിന്‌ എത്തിയില്ല. തിരഞ്ഞെടുപ്പിനെ തുടര്‍ന്ന്‌ വരണാധികാരിയായ ജില്ലാ കളക്‌ടര്‍ ടി.വി. അനുപമ അജിത വിജയന് സത്യപ്രതിജ്ഞ ചൊല്ലിക്കൊടുത്തു. തിരഞ്ഞെടുപ്പ്‌ വിഭാഗം ഡെപ്യൂട്ടി കളക്‌ടര്‍ കെ.വി. മുരളീധരന്‍, അസി. കളക്‌ടര്‍ പ്രേംകൃഷ്‌ണന്‍, കോര്‍പ്പറേഷന്‍ സെക്രട്ടറി വിനു കുഞ്ഞപ്പന്‍ എന്നിവര്‍ പങ്കെടുത്തു.
തൃശൂര്‍ കോര്‍പ്പറേഷനിലെ ഏഴാമത്തെ മേയറാണ്‌ അജിത വിജയന്. 2005-2010 ലെ ഭരണ സമിതിയില്‍ വികസന സ്ഥിരം സമിതി അധ്യക്ഷയായിരുന്നു. അംഗന്‍വാടി ജീവനക്കാരിയായ അജിത വിജയന് സിപിഐയുടെ ജില്ലാ കൗണ്‍സില്‍ അംഗവുമാണ്‌. സ്ഥാനമേറ്റെടുത്ത മേയര്‍ അജിത വിജയനെ അഭിനന്ദിക്കാന്‍ കൃഷിവകുപ്പ്‌ മന്ത്രി അഡ്വ. വി.എസ്‌.സുനില്‍കുമാറും തൃശൂര്‍ കോര്‍പ്പറേഷനിലേക്ക്‌ നേരിട്ടെത്തി. പൂച്ചെണ്ടു നല്‍കിയാണ്‌ മന്ത്രി മേയറെ അഭിനന്ദിച്ചത്‌.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
