അജു വധക്കേസ്: ഏഴു പ്രതികളും കുറ്റക്കാര്‍

എഐവൈഎഫ് പ്രവര്‍ത്തകനും സ്വകാര്യ ബാങ്കിലെ അസിസ്റ്റന്റ് മാനേജരായിരുന്ന അജുവിനെ കൊലപ്പെടുത്തിയ കേസില്‍ ഏഴു പ്രതികളും കുറ്റക്കാരെന്നു ആലപ്പുഴ ജില്ലാ സെഷന്‍സ് കോടതി കണ്ടെത്തി. ശിക്ഷ ഇൗ മാസം അഞ്ചിലേക്കു മാറ്റി.

2008 നവംബര്‍ 16നു രാത്രി പതിനൊന്നരയോടെ തോപ്പുവെളി ശ്രീരാമക്ഷേത്ര മൈതാനത്തായിരുന്നു സംഭവം. മുന്‍ വൈരാഗ്യത്തെ തുടര്‍ന്ന് ഒന്നാംപ്രതി ഷിജി ജോസഫിന്റെ നിര്‍ദേശപ്രകാരം ഇയാളെ ജോലിക്കാരായ രണ്ടുമുതല്‍ ഏഴുവരെയുള്ള പ്രതികള്‍ ചേര്‍ന്ന് ഇരുമ്ബുപൈപ്പും മരക്കഷണവും ഉപയോഗിച്ച്‌ അജുവിനെയും സുഹൃത്തും രണ്ടാം സാക്ഷിയുമായ അഭിലാഷിനെയും ആക്രമിക്കുകയായിരുന്നു. തലയ്ക്കു ഗുരുതര പരുക്കേറ്റ അജു കൊല്ലപ്പെടുകയായിരുന്നു എന്നാണു കേസ്.

അഭിലാഷിന്റെ വീടു പണിയുമായുള്ള കരാര്‍ ഷിജി ജോസഫ് നല്‍കാത്തതു സംബന്ധിച്ച തര്‍ക്കമാണ് വൈരാഗ്യത്തിനു കാരണമായത്.