തിരുവനന്തപുരം: കേന്ദ്രസര്ക്കാര് രാജ്യത്ത് പ്രചരിപ്പിക്കുന്നത് ഗോഡ്സെയുടെ ആദര്ശങ്ങളെന്ന് കോണ്ഗ്രസ് പ്രവര്ത്തകസമിതിയംഗം എകെ ആന്റണി. രാജ്യത്ത് പലയിടത്തും ഗോഡ്സെ ക്ഷേത്രങ്ങള് വ്യാപകമാവുകയാണെന്നും ഇത് തടയാന് നിയമ നിര്മ്മാണം നടത്തണമെന്നും അദ്ദേഹം തിരുവനന്തപുരത്ത് പറഞ്ഞു. കെപിസിസി സംഘടിപ്പിച്ച പദയാത്രയില് സംസാരിക്കുകയായിരുന്നു അദ്ദേഹം.
നേരത്തെ ഡല്ഹിയില് കോണ്ഗ്രസ് അധ്യക്ഷ സോണിയാ ഗാന്ധിയും ബിജെപിയ്ക്കും ആര്എസ്എസിനുമെതിരെ രൂക്ഷ വിമര്ശനങ്ങള് നടത്തിയിരുന്നു. രാജ്ഘട്ടിലെ യോഗത്തിലാണ് സോണിയാ ഗാന്ധി ബിജെപിയെയും ആര്എസ്എസിനെയും വിമര്ശിച്ചത്. ചിലര് ഇന്ത്യയുടെ പര്യായമായി ആര്എസ്എസിനെക്കൊണ്ടുവരാന് ശ്രമിക്കുകയാണെന്നും അവര് പറഞ്ഞു.
'കഴിഞ്ഞ കുറച്ച് വര്ഷങ്ങളായി എന്താണ് ഇന്ത്യയില് നടക്കുന്നതെന്നോര്ത്ത് ഗാന്ധിയുടെ ആത്മാവ് വേദനിക്കുന്നുണ്ടാവും കപട രാഷ്ട്രീയത്തിന്റെ വക്താക്കള്ക്ക് മഹാത്മാഹഗാന്ധിയെ മനസ്സിലാകില്ല. സ്വയം വലിയവരാണെന്ന് കരുതുന്നവര്ക്ക് എങ്ങനെയാണ് മഹാത്മാ ഗാന്ധിയുടെ ത്യാഗത്തെ മനസ്സിലാക്കാനാകുക. ഇന്ത്യയും ഗാന്ധിയും പര്യായങ്ങളാണ്.' സോണിയ ഗാന്ധി പറഞ്ഞു.