ശശീന്ദ്രനുമായി കേസ് ഒത്തുതീര്‍പ്പാക്കിയെന്ന് പരാതിക്കാരി

കൊച്ചി: ഫോണിലൂടെ അശ്ലീല സംഭാഷണം നടത്തിയതിന്‍റെ പേരില്‍ മുന്‍മന്ത്രിയായ എ.കെ. ശശീന്ദ്രനെതിരായ കേസ് കോടതിക്ക് പുറത്ത് ഒത്തുതീര്‍പ്പാക്കിയെന്ന് പരാതിക്കാരി ഹൈക്കോടതിയെ അറിയിച്ചു.

ഫോണ്‍വിളിയുമായി ബന്ധപ്പെട്ട് മാധ്യമപ്രവര്‍ത്തക നല്‍കിയ പരാതിയില്‍ തിരുവനന്തപുരം സെഷന്‍സ് കോടതിയുടെ നിര്‍ദേശപ്രകാരമാണ് മുന്‍മന്ത്രി എ.കെ.ശശീന്ദ്രനെതിരെ പോലീസ് കേസെടുത്തത്. സ്ത്രീത്വത്തെ അപമാനിച്ചതിനായിരുന്നു കേസ്.

പരാതി നല്‍കിയത് പ്രത്യേക സാഹചര്യത്തിലാണ്. തികച്ചും വ്യക്തിപരമായ കേസാണിത്. കേസുമായി മുന്നോട് പോകാന്‍ താല്‍പര്യമില്ല. അതിനാല്‍ കേസ് പിന്‍വലിക്കുകയാണെന്നും ഇതിന് അനുവദിക്കണമെന്നും ആവശ്യപ്പെട്ട് പരാതിക്കാരി കോടതിയില്‍ ഹര്‍ജി നല്‍കി. കേസ് ബുധനാഴ്ച കോടതി പരിഗണിക്കും.