മദ്യലഹരിയില്‍ മകന്‍ അമ്മയെ ചുട്ടുകൊന്നു

കൊച്ചി: വൈറ്റിലയില്‍ മദ്യലഹരിയില്‍ എത്തിയ മകന്‍ അമ്മയെ ചുട്ടുകൊന്നു. മേജര്‍ റോഡില്‍ മേരിയാണ് (81) പൊള്ളലേറ്റു മരിച്ചത്. മേരിയുടെ മകന്‍ സേവ്യറിനെ പോലീസ് കസ്റ്റഡിയില്‍ എടുത്തു.

സംഭവത്തില്‍ പോലീസ് പറയുന്നത് ഇങ്ങനെ: സേവ്യര്‍ ഇന്നു മുഴുവന്‍ മദ്യ ലഹരിയിലാകുകയും അമ്മ മേരിയോട് വഴക്കിടുകയും ചെയ്തിരുന്നു. ഇതോടെ അമ്മയെ സേവ്യര്‍ മുറിയില്‍ പൂട്ടിയിട്ട് വീടിന് തീവെക്കുകയായിരുന്നു‍.

ഫയര്‍ഫോഴ്സ് എത്തി തീ അണച്ചശേഷമാണ് മേരിയെ പൊള്ളലേറ്റു മരിച്ചനിലയില്‍ വീടിനുള്ളില്‍ നിന്ന് കണ്ടെത്തിയത്. മൃതദേഹം ജനറല്‍ ആശുപത്രിയിലേക്ക് മാറ്റി.