പറവൂര്‍ ക്ഷേത്രമോഷണം: മുഴുവൻ പ്രതികളും പിടിയിൽ

പറവൂര്‍: വടക്കൻ പറവൂരിലെ രണ്ടു ക്ഷേത്രങ്ങളിൽ കവര്‍ച്ച നടത്തിയ കേസിലെ മുഴുവൻ പ്രതികളെയും പിടികൂടി. എറണാകുളം റൂറൽ പോലീസാണ് പ്രതികളെ അറസ്റ്റ് ചെയ്തത്. മലയാളികളും തമിഴരും ഉള്‍പ്പെട്ട സംഘമാണ് പിടിയിലായിരിക്കുന്നത്. ഇവരിൽ നിന്ന് തിരുവാഭരണം ഉള്‍പ്പെടെയുള്ള മോഷണമുതലുകളും പിടിച്ചെടുത്തിട്ടുണ്ട്.

പൊള്ളാച്ചിക്കു സമീപത്തുനിന്നാണ് സംഘത്തെ പിടികൂടിയത്. ഷാജി, മഹേഷ് എന്നിവരാണ് മോഷണസംഘത്തിലെ പ്രധാനികള്‍. ഇവര്‍ വിവിധ മോഷണക്കേസുകളിലെ പ്രതികളാണ്. ഇവരെ കൊച്ചിയിലെത്തിച്ച് വിശദമായി ചോദ്യം ചെയ്യാനാരംഭിച്ചു.