വരൾച്ച നേരിടാൻ കേന്ദ്രത്തോട് 991.54 കോടി ആവശ്യപ്പെടും: മുഖ്യമന്ത്രി

തിരുവനന്തപുരം: സംസ്ഥാനം കടുത്ത വരൾച്ചയാണ് നേരിടുന്നതെന്നും ജല ദുരുപയോഗം ഉണ്ടാകാൻ പാടില്ലെന്നും മുഖ്യമന്ത്രി. ജല വിനിയോഗം ക്രമീകരിക്കണം. സംസ്ഥാനം നേരിടുന്ന വരൾച്ച സർവകക്ഷി സംഘം കേന്ദ്രത്തെ ധരിപ്പിക്കും. കേന്ദ്രത്തോട് 991.54 കോടി രൂപയുടെ അധിക ധനസഹായം ആവശ്യപ്പെടുമെന്നും മുഖ്യമന്ത്രി പിണറായി വിജയൻ അറിയിച്ചു.

ജല ദൗർലഭ്യം കൂടുതലായ പ്രദേശങ്ങളിൽ കിയോസ്കുകള്‍ സ്ഥാപിക്കാൻ തീരുമാനിച്ചിരുന്നു, എന്നാൽ കിയോസ്കുകൾ വഴി ജലവിതരണം മതിയാകാത്ത പ്രദേശങ്ങളിൽ കുടിവെള്ളം ടാങ്കറിൽ എത്തിക്കാൻ പ്രത്യേക നിർദേശം നൽകിയതായും മുഖ്യമന്ത്രി മാധ്യമപ്രവർത്തകരോട് പറഞ്ഞു. ഉള്ള വെള്ളം മാലിനമാകാതെ സൂക്ഷിക്കണം. ഹരിത കേരളം പദ്ധതിയുടെ ഭാഗമായി കിണറുകൾ പുനരുജ്ജീവിപ്പിക്കുന്നതിനുള്ള നടപടി സ്വീകരിക്കണം.

കുളങ്ങൾ വൃത്തിയായി സൂക്ഷിക്കണം. കുഴൽ കിണറുകളില്‍ നിന്നെടുക്കുന്ന വെള്ളം വ്യാവസായിക അടിസ്ഥാനത്തിൽ വിതരണം ചെയ്യാൻ അനുവദിക്കില്ല എന്നും മുഖ്യമന്ത്രി പറഞ്ഞു.

All party team will ask 999.54 crore rupee aid from Center: Cheif Minister

Cheif Minister conducted special press meet describing plans to face drought in Kerala.