അന്തർ സംസ്ഥാന സർവ്വീസ്; കൊവിഡ് ജാഗ്രതാ സൈറ്റിൽ രജിസ്റ്റർ ചെയ്യാത്തവരെ യാത്രചെയ്യാൻ അനുവദിക്കില്ല: KSRTC

തിരുവനന്തപുരം: ഇതര സംസ്ഥാനങ്ങളിൽ നിന്നും കേരളത്തിലേക്ക് യാത്രചെയ്യാൻ ഒരുങ്ങുന്നവര്‍ കേരള സ‍ര്‍ക്കാരിന്റെ കൊവിഡ് ജാഗ്രതാ പോര്‍ട്ടലിൽ രജിസ്റ്റര്‍ ചെയ്യണമെന്ന് സര്‍ക്കാര്‍. ബസിൽ കയറുന്നതിനു മുമ്പ് രേഖകൾ കെഎസ്ആ‍ര്‍ടിസി അധികൃതരെ കാണിക്കണമെന്നും ഉത്തരവിൽ പറയുന്നു. രേഖകളില്ലാതെ യാത്രചെയ്യാൻ അനുവദിക്കില്ലെന്നും കെഎസ്ആര്‍ടിസി വ്യക്തമാക്കി.

അതേസമയം, ഓണത്തിനു മുന്നോടിയായി കേരളത്തിന്റെ വിവിധ ഭാഗങ്ങളിലേക്കുള്ള സ‍ര്‍വ്വീസ് കര്‍ണ്ണാടക സ്റ്റേറ്റ് ട്രാൻസ്പോ‍ര്‍ട്ട് കോര്‍പ്പഷൻ ആരംഭിച്ച സര്‍വ്വീസുകൾ സെപ്തംബര്‍ എട്ട് വരെ നീട്ടി. ബെംഗളുരു, മൈസുരു എന്നിവിടങ്ങളിൽ നിന്നും ഈ മാസം ഏഴ് വരെ കേരളത്തിലേക്ക് സര്‍വ്വീസ് ഉണ്ടായിരിക്കും. സെപ്തംബര്‍ എട്ടിന് കേരളത്തിൽ നിന്നും ബെംഗളുരുവിലേക്കും സര്‍വ്വീസ് ഉണ്ടായിരിക്കുന്നതാണെന്ന് കര്‍ണ്ണാടക ആ‍ര്‍ടിസി വ്യക്തമാക്കി.