എറണാകുളം: സൗജന്യ ഡയാലിസിസ് കേന്ദ്രത്തിൽ നൽപ്പതോളം രോഗികളുടെ ഡയാലിസിസ് നടന്നുകൊണ്ടിരിക്കെ കെഎസ്ഇബി ഫ്യൂസ് ഊരിയെന്ന് ആക്ഷേപം. യാക്കോബായ സുറിയാനി സഭയുടെ കീഴിലുള്ള അല്ലപ്ര കൊയ്‌നോണിയ ആശുപത്രിയിലെ ഡയാലിസിസ് കേന്ദ്രത്തിന്റെ ഫ്യൂസാണ് കെഎസ്ഇബി ഊരിയത്. സംഭവത്തിൽ പ്രതിഷേധം ഉയർന്നതോടെ കെഎസ്ഇബി ഉദ്യോഗസ്ഥർ എത്തി വൈദ്യുതി ബന്ധം പുനസ്ഥാപിച്ചു.
30000 രൂപയോളം വരുന്ന ബില്ല് കെഎസ്ഇബിയിൽ അടയ്ക്കാനുണ്ട് ഈ ഡയാലിസിസ് കേന്ദ്രം. മെയ് ഒന്നാംതിയ്യതി ബില്ലടയ്ക്കാൻ ശ്രമിച്ചിരുന്നെങ്കിലും അന്ന് അവധിയായതിനാൽ പിറ്റേദിവസം അടച്ചാൽ മതിയെന്ന് ഉദ്യോഗസ്ഥർ അറിയിച്ചു. എന്നാൽ പിറ്റേന്ന് ഓഫീസ് തുറക്കുന്നതിനു മുമ്പുതന്നെ ലൈൻമാൻ വന്ന് ഫ്യൂസ് ഊരുകയായിരുന്നു.
പ്രതിമാസം ആയിരത്തോളം പേർക്ക് സൗജന്യ നിരക്കിൽ ഡയാലിസിസ് നൽകുന്ന സ്ഥാപനമാണ് കൊയ്‌നോണിയ.
പഞ്ചായത്ത് പ്രസിഡന്റ് ഷിഹാബ് പള്ളിക്കൽ, വാർഡ് മെംബർ പിപി എൽദോസ് അടക്കമുള്ളവരുടെ നേതൃത്വത്തിൽ നാട്ടുകാർ കെഎസ്ഇബി ഓഫീസിനു മുന്നിലെത്തി ഉപരോധം തീർത്തു. ഇതിനു ശേഷമാണ് കെഎസ്ഇബി ഉദ്യോഗസ്ഥർ വഴങ്ങിയത്. 11 മണിയോടെ ഓവർസിയറെത്തി വൈദ്യുതിബന്ധം പുനസ്ഥാപിച്ചു.
30000 രൂപയോളം വരുന്ന ബില്ല് കെഎസ്ഇബിയിൽ അടയ്ക്കാനുണ്ട് ഈ ഡയാലിസിസ് കേന്ദ്രം. മെയ് ഒന്നാംതിയ്യതി ബില്ലടയ്ക്കാൻ ശ്രമിച്ചിരുന്നെങ്കിലും അന്ന് അവധിയായതിനാൽ പിറ്റേദിവസം അടച്ചാൽ മതിയെന്ന് ഉദ്യോഗസ്ഥർ അറിയിച്ചു. എന്നാൽ പിറ്റേന്ന് ഓഫീസ് തുറക്കുന്നതിനു മുമ്പുതന്നെ ലൈൻമാൻ വന്ന് ഫ്യൂസ് ഊരുകയായിരുന്നു.
പ്രതിമാസം ആയിരത്തോളം പേർക്ക് സൗജന്യ നിരക്കിൽ ഡയാലിസിസ് നൽകുന്ന സ്ഥാപനമാണ് കൊയ്‌നോണിയ.
പഞ്ചായത്ത് പ്രസിഡന്റ് ഷിഹാബ് പള്ളിക്കൽ, വാർഡ് മെംബർ പിപി എൽദോസ് അടക്കമുള്ളവരുടെ നേതൃത്വത്തിൽ നാട്ടുകാർ കെഎസ്ഇബി ഓഫീസിനു മുന്നിലെത്തി ഉപരോധം തീർത്തു. ഇതിനു ശേഷമാണ് കെഎസ്ഇബി ഉദ്യോഗസ്ഥർ വഴങ്ങിയത്. 11 മണിയോടെ ഓവർസിയറെത്തി വൈദ്യുതിബന്ധം പുനസ്ഥാപിച്ചു.