ബിജെപിയുമായുള്ള സഖ്യം ഗുണം ചെയ്തില്ല: ബിഡിജെഎസ്

കൊച്ചി: ബിജെപിയുമായി തെരഞ്ഞെടുപ്പ് സഖ്യത്തില്‍ ഏര്‍പെടാനുള്ള തീരുമാനം ഗുണം ചെയ്തില്ലെന്ന് ഇന്ന് ചേര്‍ന്ന ബിഡിജെഎസ് യോഗം വിലയിരുത്തി. കേന്ദ്രസര്‍ക്കാരിന്റെ അധീനതയിലുള്ള ബോര്‍ഡ്, കോര്‍പ്പറേഷന്‍ പദവികള്‍ അടക്കം തെരഞ്ഞെടുപ്പ് കാലത്ത് ബിജെപി വാഗ്‍ദാനം ചെയ്‍തവയെല്ലാം ജലരേഖകളായെന്ന് വെള്ളാപ്പള്ളി നടേശന്‍ മാധ്യമങ്ങളോട് പറഞ്ഞു.

തുഷാര്‍ വെള്ളാപ്പള്ളിക്ക് രാജ്യസഭാംഗത്വം, കേന്ദ്ര ബോര്‍ഡുകളില്‍ ചെയര്‍മാന്‍ സ്ഥാനം എന്നിങ്ങനെ നിരവധി വാഗ്‍ദാനങ്ങള്‍ ബിജെപി മുന്നോട്ട് വെച്ചിരുന്നു. എന്നാല്‍ നിയമസഭാ തെരഞ്ഞെടുപ്പ് കഴിഞ്ഞ് ഇത്ര കാലമായിട്ടും ബിജെപി ഇവയൊന്നും പാലിച്ചിട്ടില്ല. ഇനി എത്ര കാലം ഇങ്ങനെ കബളിപ്പിച്ചുകൊണ്ട് മുന്നോട്ട് പോകുമെന്നും വെള്ളാപ്പിള്ളി ചോദിച്ചു.

Election time alliance with BJP didn't yield good: BDJS