ഭക്തരെ ജയിലിൽ അടക്കുന്നത് ശരിയല്ല: അൽഫോൺസ് കണ്ണന്താനം

പമ്പ: ശബരിമലയിൽ അടിസ്ഥാന സൗകര്യങ്ങൾ ഒരുക്കുന്നതിൽ സർക്കാർ ശ്രദ്ധ ചെലുത്തുന്നില്ലെന്ന് കേന്ദ്രമന്ത്രി അൽഫോൺസ് കണ്ണന്താനം. ഭക്തരെ ജയിലിൽ അടക്കാനാണ് സർക്കാരിന് താൽപര്യം. ആവശ്യത്തിന് ശുചിമുറികളോ വിരി വെക്കാനുള്ള സൗകര്യങ്ങളോ പമ്പയിൽ ഇല്ല.

തീർഥാടകർക്കായി ഇവിടെ സർക്കാർ ഒന്നും ചെയ്യുന്നില്ലെന്നും അദ്ദേഹം കുറ്റപ്പെടുത്തി. പമ്പയിലെ സൗകര്യങ്ങൾ പരിശോധിച്ച ശേഷം സംസാരിക്കുകയായിരുന്നു അൽഫോൺസ് കണ്ണന്താനം. ശബരിമലയിൽ എത്തുന്നത് ഭക്തരാണ്.

അവരെ തീവ്രവാദികളെന്ന് മുദ്രകുത്തി അറസ്റ്റ് ചെയ്യുന്നത് ശരിയല്ലെന്നും അദ്ദേഹം പറഞ്ഞു. ശബരിമലയിൽ 144 പ്രഖ്യാപിക്കേണ്ട സാഹചര്യം നിലവിലില്ലെന്നും കണ്ണന്താനം കൂട്ടിച്ചേർത്തു.