കൊച്ചി: ജിഷ വധക്കേസിൽ താൻ കുറ്റക്കാരനല്ലെന്ന് ആവർത്തിച്ച് പ്രതി അമീറുൾ ഇസ്ലാം. ജിഷ കേസിൽ അമീറുൾ കുറ്റക്കാരനാണെന്ന് കോടതി വിധി പ്രഖ്യാപിച്ച ഉടനെയാണ് അമീറുൾ ഇങ്ങനെ പറഞ്ഞത്.
കോടതിയിൽ വിധി പ്രഖ്യാപനം കേട്ടതിനു ശേഷം പുറത്തേക്ക് എത്തിക്കുന്നതിനിടയിൽ ആണ് മാധ്യമങ്ങളോട് അമീറുൾ ഇങ്ങനെ പറഞ്ഞത്.
കേസിൽ, രണ്ടാമത് ഒരു അന്വേഷണം കൂടി നടത്തണമെന്ന് താൻ ആവശ്യപ്പെട്ടിട്ടുണ്ടെന്നും അമീർ പറഞ്ഞു. അതേസമയം, കോടതിയിൽ വിധി പ്രഖ്യാപനം കേട്ടതിനു ശേഷം ഇയാളെ കാക്കനാട്ടെ ജയിലിലേക്ക് തന്നെ തിരികെ കൊണ്ടു പോയി.