ദൃശ്യവിരുന്നിൽ പതിയിരിക്കുന്ന ചതി; ആവളപാണ്ടിക്ക് പോണോരേ; ശ്രദ്ധിക്കൂ

കോഴിക്കോട്: ആവളപ്പാണ്ടിയിലെ തോടിലും വയലിലും വിരിഞ്ഞ പായൽ പൂക്കൾ കാണാൻ സംസ്ഥാനത്തിന്റെ വിവിധ ഭാഗങ്ങളിൽ നിന്നും നിരവധിയാളുകളാണ് എത്തുന്നത്. വൈലറ്റ് വിരിപ്പിട്ട തോടും പാടവും സന്ദർശകരെ അത്രയധികം ആകർഷിക്കുന്നുണ്ട്. എന്നാൽ അത്ര സുഖമുള്ള കാര്യമല്ല ഇനി സംഭവിക്കാൻ പോകുന്നത്.

Also Read: പായല്‍പ്പൂക്കള്‍ വര്‍ണം ചാര്‍ത്തിയ തോട്

തെക്കനമേരിക്കൻ സ്വദേശിയായ കബോംബ ഫർകാറ്റ എന്ന ജലസസ്യമാണ് ആവളപ്പാണ്ടിയിലാകെ പൂത്തുനിൽക്കുന്നത്. മറ്റ് ജലസസ്യങ്ങളെ അതിവേഗം നശിപ്പിച്ച് സ്ഥലം കയ്യടക്കുന്നതാണ് ഈ പായലിന്റെ സ്വഭാവം. മുള്ളൻ പായലെന്ന് വിളിക്കുന്ന കബോംബ പൂത്തതോടെ ആവളപ്പാണ്ടിയിലേക്ക് എത്തുന്ന ജനങ്ങൾ പായലിന്റെ തണ്ട് ശേഖരിക്കാനും സ്വന്തം നാട്ടിലേക്ക് കൊണ്ടുപോകുന്നതായും മാധ്യമങ്ങൾ റിപ്പോർട്ട് ചെയ്തിരുന്നു.

Also Read: തദ്ദേശ തെരഞ്ഞെടുപ്പില്‍ മത്സരം എന്‍ഡിഎയും എല്‍ഡിഎഫും തമ്മില്‍; യുഡിഎഫ് ചിത്രത്തിലില്ലെന്ന് കെ സുരേന്ദ്രന്‍

പായൽ പറിച്ചുകൊണ്ടുപോകുന്നത് ഇത് അതിവേഗം വ്യാപിക്കുന്നതിന് കാരണമാകുമെന്നാണ് മുന്നറിയിപ്പ്. മറ്റുള്ള പ്രദേശങ്ങളിലെ ജലാശയങ്ങളിൽ ഈ പായൽ വ്യാപിക്കുന്ന അവസ്ഥ ഉണ്ടാവുകയും ജലാശയങ്ങളിലെ മറ്റ് സസ്യങ്ങളെ പായൽ ഇല്ലാതാക്കുമെന്നുമാണ് വിദഗ്ദർ മുന്നറിയിപ്പ് നൽകുന്നത്.