സര്‍ക്കാരിനെ വലിച്ച് താഴെ ഇടാന്‍ മടിക്കില്ലെന്ന് അമിത് ഷാ

കണ്ണൂര്‍: സംസ്ഥാന സര്‍ക്കാരിനെ വലിച്ച് താഴെ ഇടാന്‍ മടിക്കില്ലെന്ന് ബിജെപി ദേശീയ അധ്യക്ഷന്‍ അമിത് ഷാ. സര്‍ക്കാര്‍ അയ്യപ്പ ഭക്തരെ അടിച്ചമര്‍ത്താന്‍ ശ്രമിക്കുന്നു. കണ്ണൂര്‍ ജില്ലാ കമ്മിറ്റി ഓഫീന്‍റെ ഉദ്ഘാടന സമ്മേളനത്തിലാണ് അമിത് ഷാ സംസ്ഥാന സര്‍ക്കാരിനെതിരെ ആഞ്ഞടിച്ചത്.

ബിജെപിയുടെ ദേശീയ ശക്തി മുഴുവന്‍ ഭക്തര്‍ക്കൊപ്പമാണ്. എന്തിന് വേണ്ടിയാണ് ആയിരക്കണക്കിന് ഭക്തരെ ജയിലിലടച്ചത്. ആചാര സംരക്ഷണത്തിനായി ഏതറ്റവും വരെ ബിജെപി പോകുമെന്ന് ഷാ വ്യക്തമാക്കി.

കേരളത്തില്‍ അടിയന്തരാവസ്ഥയക്ക് സമാനമായ സാഹചര്യമാണ്. നാമജപയാത്രയില്‍ പങ്കെടുത്ത എന്‍എസ്എസ്, ബി‍ഡിജെഎസ് പ്രവര്‍ത്തകരെ പോലീസ് വേട്ടയാടുന്നെന്നും അമിത് ഷാ കൂട്ടിച്ചേര്‍ത്തു.

അയ്യപ്പഭക്തരുടെ ആചാരാനുഷ്‌ടാനങ്ങള്‍ സംരക്ഷിക്കാന്‍ അടുത്ത മാസം ആദ്യം മുതല്‍ ബിജെപി വിവിധ പ്രതിഷേധ സമരങ്ങള്‍ സംഘടിപ്പിക്കുമെന്നും അദ്ദേഹം പറഞ്ഞു.