കൊച്ചിയില്‍ 15 ലക്ഷത്തിന്‍റെ ആംഫിറ്റമിനുമായി ഒരാൾ അറസ്റ്റിൽ

കൊച്ചി: കൊച്ചി നഗരത്തില്‍ വൻ മയക്കു മരുന്ന് വേട്ട. ആംഫിറ്റമിന്‍ എന്ന പേരില്‍ അറിയപ്പെടുന്ന ലഹരിവസ്തുവാണ് പോലീസ് പിടിച്ചത്. കോഴിക്കോട് ബേപ്പൂര്‍ സ്വദേശിയായ മുഹമ്മദ് വാസീർ(26) ആണ് ലഹരിമരുന്നുമായി പിടിയിലായത്. ഇയാളില്‍ നിന്ന് ഏകദേശം പതിനഞ്ച് ലക്ഷം രൂപ വിലവരുന്ന മുന്നൂറ്റി അമ്പതോളം ആംഫിറ്റമിന്‍ ടാബ്ലെറ്റുകളാണ് കണ്ടെടുത്തിരിക്കുന്നത്.

ദുബായ് യില്‍ ജോലി ചെയ്യുന്ന കോഴിക്കോട് സ്വദേശിയാണ് ഇയാള്‍ക്ക് ലഹരിമരുന്ന് എത്തിച്ച്‌ നല്‍കിയതെന്നാണ് വിവരം. ഇയാളെക്കുറിച്ച്‌ പോലീസ് വിശദമായി അന്വേഷിക്കാൻ ആരംഭിച്ചു. കഴിഞ്ഞ ദിവസം നഗരത്തിലെ ഒരു നക്ഷത്ര ഹോട്ടലില്‍ നടന്ന പാര്‍ട്ടിയില്‍ രാസലഹരി വസ്തുക്കള്‍ വിതരണം ചെയ്യുമെന്ന് പോലീസിന് രഹസ്യവിവരം ലഭിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് ഇയാളെ പിടികൂടിയത്. കേരളത്തില്‍ ആദ്യമായാണ് ആംഫിറ്റമിന്‍ എന്ന ലഹരിവസ്തു പിടികൂടുന്നത്.

Amphetamine tablets seized in Kochi

Amphetamine tablets worth 15 lakhs seized in Kochi: one held