ആനന്ദ് വധം: സിബിഎെ അന്വേഷണം വേണമെന്ന് കണ്ണന്താനം

തൃശ്ശൂർ: ഗുരുവായൂരിൽ ആർ.എസ്.എസ് പ്രവർത്തകൻ കൊല്ലപ്പെട്ട സംഭവത്തിൽ സിബിഎെ അന്വേഷണം വേണമെന്ന് കേന്ദ്ര മന്ത്രി അൽഫോൺസ് കണ്ണന്താനം. നെന്മിനി സ്വദേശിയായ ആനന്ദിനെയാണ് ഞായറാഴ്ച അജ്ഞാതര്‍ വെട്ടിക്കൊന്നത്. കേസിൽ കേരള പോലീസ് അന്വേഷണം തൃപ്തികരമല്ലെന്നും കണ്ണന്താനം പറഞ്ഞു.

സി.പി.എം പ്രവര്‍ത്തകനായ ഫാസിലിനെ കൊലപ്പെടുത്തിയ കേസില്‍ രണ്ടാം പ്രതിയായ ആനന്ദ് അടുത്തനാളിലാണ് ജാമ്യത്തിലിറങ്ങിയത്.ഞായറാഴ്ച രാവിലെ നെന്മേനിയില്‍ സുഹൃത്തിനൊപ്പം ബൈക്കില്‍ സഞ്ചരിക്കവേയാണ് മാരുതി കാറില്‍ എത്തിയ നാലംഗ സംഘം ആനന്ദിനെ വെട്ടിയത്.

ഗുരുതരമായി പരിക്കേറ്റ ആനന്ദിനെ ചാവക്കാട്ടെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.