ഭൂമിവിവാദം ഉടൻ പരിഹരിക്കപ്പെടുമെന്ന് കർദിനാൾ മാർ ആലഞ്ചേരി

കൊച്ചി: എറണാകുളം - അങ്കമാലി അതിരൂപതയിലെ ഭൂമി വില്‍പന വിവാദം ഉടൻ പരിഹരിക്കപ്പെടുമെന്ന് കർദിനാൾ മാർ ജോർജ് ആലഞ്ചേരി. പ്രശ്നങ്ങൾ പരിഹരിച്ചു, ഇനി സമാധാനത്തിൻെറ ദിനങ്ങളാണ് വരുന്നത്. എല്ലാവരുടെയും പ്രാർഥനകൾക്ക് നന്ദിയുണ്ടെന്നും അദ്ദേഹം പറഞ്ഞു.

മെത്രാന്മാരുടെയും അല്‍മായരുടെയും കൂട്ടായ്മയില്‍ എല്ലാ പ്രശ്‌നങ്ങളും പരിഹരിക്കപ്പെടും. ഓരോ കാരണങ്ങളാൽ അശുദ്ധിയുള്ളവരാണ് എല്ലാവരും. ദൈവത്തിന്റെ ചാട്ടവാര്‍ നമുക്ക് എതിരാണെന്നും ഓശാന സന്ദേശത്തില്‍ കര്‍ദിനാള്‍ ആലഞ്ചേരി പറഞ്ഞു.