ഹര്‍ത്താലിനെ നടന്ന് തോല്‍പ്പിച്ച് അനില്‍ അക്കര എംഎൽഎ

തൃശൂര്‍: ബിജെപി ആഹ്വാനം ഹര്‍ത്താലിനെതിരെ അനില്‍ അക്കര എംഎല്‍എ നടന്ന് പ്രതിഷേധിച്ചു. തൃശൂര്‍ റെയില്‍വെ സ്റ്റേഷനില്‍ നിന്ന് പുറനാട്ടുകരയിലെ വീട്ടിലേക്കുള്ള ഏഴ് കിലോമീറ്ററാണ് എംഎല്‍എ കാല്‍നടയായി യാത്രചെയ്തത്. നിയമസഭ സമ്മേളനത്തിന് ശേഷം ഇന്ന് രാവിലെ പതിനൊന്നരയ്ക്കാണ് അനില്‍ അക്കര എംഎല്‍എ തിരുവനന്തപുരത്ത് നിന്ന് തൃശൂര്‍ റയില്‍വെസ്റ്റേഷനില്‍ എത്തിചേര്‍ന്നത്. ശേഷമായിരുന്നു നടത്തം.

എംഎല്‍എ നടന്നുതുടങ്ങിയതോടെ ഐക്യദാര്‍ഡ്യം പ്രഖ്യാപിച്ച്‌ ജില്ലയിലെ കോണ്‍ഗ്രസ് നേതാക്കളും സ്റ്റേഷനിലെത്തുകയായിരുന്നു. പ്രവര്‍ത്തകര്‍ കൂടിയപ്പോള്‍ കാല്‍നട സഞ്ചാരം പിന്നീട് ഒരു പ്രതിഷേധജാഥയായി മാറുകയായിുരന്നു. കേരളത്തിലെ ഒരാള്‍ പോലും ഹര്‍ത്താലിനെ അനുകൂലിക്കുന്നില്ലെന്നും ബിജെപിയുടെ ജനദ്രോഹ നടപടികള്‍ക്കെതിരെയുള്ള പ്രതിഷേധമാണിതെന്നും തന്നെ കാണാനെത്തിയ മാധ്യമങ്ങളോട് അദ്ദേഹം പറഞ്ഞു.