'ഒരു ജീവന്‍ പോലും അശ്രദ്ധമൂലം പൊലിയരുത് എന്നാഗ്രഹം ഉള്ളതുകൊണ്ടാ'; വീഡിയോയുമായി പോലീസ്

'ശ്രദ്ധ മരിക്കുമ്പോള്‍ അപകടം ജനിക്കുന്നു'. ദിനംപ്രതി നിരവധി ജീവനുകളാണ് നിരത്തുകളില്‍ പൊലിയുന്നത്. അശ്രദ്ധമായ ഡ്രൈവിങ് കൊണ്ടും നിയമലംഘനങ്ങള്‍ കൊണ്ടുമാണ് ഇത്തരം അപകടങ്ങള്‍ ജനിക്കുന്നത്. ഇത്തരം നിയമലംഘനങ്ങള്‍ക്കെതിരെ ബോധവത്കരണവുമായി ആനിമേഷന്‍ ഷോര്‍ട് ഫിലിമുമായി രംഗത്തെത്തിയിരിക്കുകയാണ് കേരള പോലീസ്.

മലപ്പുറം പോലീസിന്റെ നേതൃത്വത്തിലാണ് വീഡിയോ പുറത്തിറക്കിയിരിക്കുന്നത്. ഒരു ജീവന്‍ പോലും അശ്രദ്ധമൂലം പൊലിയരുത് എന്നാഗ്രഹം ഉള്ളതുകൊണ്ടാ എന്ന തലക്കെട്ടോടു കൂടിയാണ് വീഡിയോ പങ്കുവെച്ചിരിക്കുന്നത്.

ഹെല്‍മറ്റ് ധരിക്കാതെയുള്ളതും ഇന്‍ഷുറന്‍സ് ഇല്ലാതെയുള്ളതും ലൈസന്‍സ് ഇല്ലാതെയുള്ളതുമായ നിയമലംഘങ്ങളുടെ അനന്തരഫലങ്ങളെല്ലാം ഉള്‍ക്കൊള്ളിച്ചുകൊണ്ടാണ് ഷോര്‍ട് ഫിലിം. പോലീസ് ഉദ്യോഗസ്ഥനും പ്രമുഖ പ്രാസംഗികനുമായ ഫിലിപ് മമ്പാടും കെ ഹരിനാരായണനും ചേര്‍ന്നാണ് ഈ വീഡിയോയുടെ സംവിധാനം ചെയ്തിരിക്കുന്നത്.