നിലംനികത്തിയതിനെ എതിര്‍ത്തതിന് ആൻ്റണി പെരുമ്പാവൂരിന്‍റെ പ്രതികാരനടപടി
കാന അടച്ച് മറ്റ് നിലങ്ങളിലേയ്ക്കുള്ള ജലവിതരണം തടസ്സപ്പെടുത്തി
TNN 12 Feb 2018, 1:46 pm
കൊച്ചി: നെൽവയൽ നികത്തിയതിനെ എതിര്‍ത്ത കര്‍ഷകര്‍ക്കെതിരെ ആന്‍റണി പെരുമ്പാവൂര്‍ പ്രതികാരനടപടി സ്വീകരിച്ചെന്ന് ആരോപണം. തൊട്ടടുത്തുള്ള കൃഷിയിടത്തിലേയ്ക്ക് വെള്ളത്തിന്‍റെ ഒഴുക്ക് തടസ്സപ്പെടുത്തി കനാൽ നികത്തിയെന്നാണ് ആരോപണം. വെള്ളം കിട്ടാതായതോടെ കൃഷിയിറക്കാനാകാതെ കര്‍ഷകര്‍ പ്രതിസന്ധിയിലായി.
പെരുമ്പാവൂര്‍ ഇരിങ്ങോൽക്കരയിലാണ് ആന്‍റണി പെരുമ്പാവൂര്‍ നെൽപ്പാടം മണ്ണിട്ട് നികത്തിയത്. തൊട്ടടുത്തുള്ള കനാൽ അടച്ചതോടെ ആന്‍റണിയുടെ നിലത്തിലേയ്ക്ക് മാത്രമാണ് ഇപ്പോള്‍ വെള്ളം ലഭിക്കുന്നത്. തെങ്ങോല ഉപയോഗിച്ച് കാനയിൽ നിന്ന് മറ്റ് കൃഷിയിടങ്ങളിലേയ്ക്കുള്ള വെള്ളച്ചാലുകള്‍ തടയുകയായിരുന്നുവെന്നും ഇത് നിലംനികത്തലിനെ എതിര്‍ത്തതിനുള്ള പ്രതികാരനടപടിയാണെന്നുമാണ് കര്‍ഷകര്‍ പറയുന്നത്.
വെള്ളം ലഭിക്കാതായതോടെ കൃഷി മുടങ്ങിയ പാടങ്ങള്‍ ഇപ്പോള്‍ തരിശായിക്കിടക്കുകയാണ്.
പെരുമ്പാവൂര്‍ ഇരിങ്ങോൽക്കരയിലാണ് ആന്‍റണി പെരുമ്പാവൂര്‍ നെൽപ്പാടം മണ്ണിട്ട് നികത്തിയത്. തൊട്ടടുത്തുള്ള കനാൽ അടച്ചതോടെ ആന്‍റണിയുടെ നിലത്തിലേയ്ക്ക് മാത്രമാണ് ഇപ്പോള്‍ വെള്ളം ലഭിക്കുന്നത്. തെങ്ങോല ഉപയോഗിച്ച് കാനയിൽ നിന്ന് മറ്റ് കൃഷിയിടങ്ങളിലേയ്ക്കുള്ള വെള്ളച്ചാലുകള്‍ തടയുകയായിരുന്നുവെന്നും ഇത് നിലംനികത്തലിനെ എതിര്‍ത്തതിനുള്ള പ്രതികാരനടപടിയാണെന്നുമാണ് കര്‍ഷകര്‍ പറയുന്നത്.
വെള്ളം ലഭിക്കാതായതോടെ കൃഷി മുടങ്ങിയ പാടങ്ങള്‍ ഇപ്പോള്‍ തരിശായിക്കിടക്കുകയാണ്.