കെട്ടിടത്തിന്‍റെ ഒരു ഭാഗം ഇടിഞ്ഞുവീണു;7 പേരെ കാണാതായി

കൊച്ചി: കന്നത്ത മഴയും വെള്ളപ്പൊക്കവും മൂലം ആലുവ അത്താണിയില്‍ എഴുപതോളം പേര്‍ രക്ഷ തേടിയ കെട്ടിടത്തിന്‍റെ ഒരു ഭാഗം ഇടിഞ്ഞുവീണു. കുത്തിയതോട് സെന്റ് സേവിയേഴ്സ് പള്ളിയുടെ കെട്ടിടമാണ് തകര്‍ന്നിരിക്കുന്നത്. 7 പേരെ കുറിച്ച്‌ വിവരമില്ലെന്ന് സ്ഥലത്തുള്ളവര്‍ മാധ്യമങ്ങളെ അറിയിച്ചു. രക്ഷാപ്രവര്‍ത്തനത്തിന് കൂടുതല്‍ കേന്ദ്രസേന എത്തിക്കൊണ്ടിരിക്കുകയാണ്.

കൊച്ചിയിലേക്ക് രക്ഷാപ്രവര്‍ത്തനത്തിനായി പുതിയതായി 23 ഹെലികോപ്റ്ററുകളും നിരവധി വലിയ ബോട്ടുകളും സൈന്യം ഇന്ന് ഇറക്കിയിട്ടുണ്ട്. പെരിയാറിന്‍റേയും ചാലക്കുടിപ്പുഴയുടേയും തീരത്ത് വെള്ളപ്പൊക്കമായതോടെ തീരങ്ങളിലുള്ളവുടെ സ്ഥിതി ഗുരുതരമാണ്. കൊച്ചി മെട്രോ ആലുവ അമ്പാട്ടുകാവ് സ്റ്റേഷന്‍ വരെ വെള്ളം വലിയതോതില്‍ വര്‍ദ്ധിച്ച സാഹചര്യമാണുള്ളത്.