കൊച്ചിയിൽ 'ആർപ്പോ ആർത്തവം' ഇന്നും നാളെയും
ശബരിമലയിൽ കയറിയ അവന്തിക, തൃപ്തി, രഞ്ജു, അനന്യ എന്നിവർ ചേർന്നാണ് ഉദ്ഘാടനം നിർവഹിച്ചത്. പരിപാടിയില് മുഖ്യമന്ത്രി പിണറായി വിജയനും തമിഴ് സംവിധായകന് പാ.രഞ്ജിത്തും പുന്നല ശ്രീകുമാറും പങ്കെടുക്കാനെത്തും
Samayam Malayalam 12 Jan 2019, 11:44 am
ഹൈലൈറ്റ്:
- ഹെലിപാഡ് മൈതാനത്താണ് ആര്പ്പോ ആര്ത്തവം പരിപാടി നടക്കുന്നത്
- ആര്ത്തവ അയിത്തത്തിനെതിരെ നിയമം പാസാക്കണം എന്ന് ആവശ്യപ്പെട്ടാണ് പരിപാടി
- ആര്ത്തവ ശരീരം എന്ന ശാസ്ത്ര പ്രദര്ശനവും ആര്പ്പോ ആര്ത്തവ വേദിയില്
കൊച്ചി: ശബരിമല സ്ത്രീ പ്രവേശന വിധിയെ തുടര്ന്നുണ്ടായ സംഭവവികാസങ്ങള്ക്കിടയിൽ ആര്ത്തവ അയിത്തത്തിനെതിരെയുള്ള പ്രതിഷേധമായി ദ്വിദിന ആര്പ്പോ ആര്ത്തവം പരിപാടിക്ക് ഇന്ന് കൊച്ചിയിൽ തുടക്കം. ഇന്ന് രാവിലെ 11ന് ശബരിമലയിൽ കയറിയ അവന്തിക, തൃപ്തി, രഞ്ജു, അനന്യ എന്നിവർ ചേർന്നാണ് ഉദ്ഘാടനം നിർവഹിച്ചത്. പരിപാടിയില് മുഖ്യമന്ത്രി പിണറായി വിജയനും തമിഴ് സംവിധായകന് പാ.രഞ്ജിത്തും പുന്നല ശ്രീകുമാറും പങ്കെടുക്കാനെത്തും. ഇന്നും നാളെയുമായി എറണാകുളം മറൈന്ഡ്രൈവിലെ ഹെലിപാഡ് മൈതാനത്താണ് ആര്പ്പോ ആര്ത്തവം പരിപാടി നടക്കുന്നത്. കേരള സംസ്ഥാനം ആര്ത്തവ അയിത്തത്തിനെതിരെ നിയമം പാസാക്കണം എന്ന് ആവശ്യപ്പെട്ടാണ് പരിപാടി. വനിതാ ശിശു വികസന വകുപ്പ് നടത്തുന്ന ‘ആര്ത്തവ ശരീരം’ എന്ന ശാസ്ത്ര പ്രദര്ശനവും ആദ്യമായി ആര്പ്പോ ആര്ത്തവ വേദിയില് പരിപാടിയുടെ ഭാഗമായി നടക്കും. ആരോഗ്യ മന്ത്രി കെ.കെ ഷൈലജ ടീച്ചര് ഉദ്ഘാടനം ചെയ്യും. ശാസ്ത്രീയമായി ആര്ത്തവം, സ്ത്രീ ശരീരം എന്നിവയെ കുറിച്ചു വ്യക്തത നല്കുന്നതാണ് പ്രദര്ശനം. ശബരിമല സ്ത്രീ പ്രവേശനത്തെ അനുകൂലിച്ച് തമിഴ്നാട്ടില് പ്രചാരണം നടത്തുന്ന പാ.രഞ്ജിത്ത് നേതൃത്വം നൽകുന്ന ദി കാസ്റ്റ്ലസ് കളക്ടീവ്, കോവന് സംഘം, ഊരാളി, കലാകക്ഷി തുടങ്ങിയ സംഘങ്ങളുടെ കലാവിഷ്ക്കാരങ്ങളും രണ്ടു ദിവസങ്ങളിലായി മറൈൻഡ്രൈവിൽ നടക്കും.
പാ രഞ്ജിത് ഇന്ന് ജനങ്ങളെ അഭിസംബോധന ചെയ്ത് സംസാരിക്കും. ഇവരുടെ സംഘത്തിന്റെ ഏറെ പ്രശസ്തമായ അയാം സോറി അയ്യപ്പാ… നാന് ഉള്ളേ വന്താ എന്തപ്പാ എന്ന ഹിറ്റ് പാട്ട് വേദിയില് പാടുന്നുമുണ്ട്. 13ന് ഉച്ചയ്ക്ക് 12ന് മുഖ്യമന്ത്രി പിണറായി വിജയൻ ആര്ത്തവ അയിത്തത്തിനെതിരായ മുന്നേറ്റത്തെ അഭിസംബോധന ചെയ്യാനെത്തും. കൂടാതെ കെ.പി എംഎസ് ജനറല് സെക്രട്ടറി പുന്നല ശ്രീകുമാര്, സിപിഐ ദേശീയ നേതാവ് ആനി രാജ, ആദിവാസി ഗോത്ര മഹാസഭാ നേതാവ് സി.കെ ജാനു, ബിനാലെ ക്യുറേറ്റര് അനിതാ ദുബെ, എഴുത്തുകാരി കെ. ആര് മീര, കെ. അജിത, സാറാ ജോസഫ്, സണ്ണി എം. കപിക്കാട്, സുനില് പി. ഇളയിടം തുടങ്ങി നിരവധി രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖരും പരിപാടിയുടെ ഭാഗമാകും.
പാ രഞ്ജിത് ഇന്ന് ജനങ്ങളെ അഭിസംബോധന ചെയ്ത് സംസാരിക്കും. ഇവരുടെ സംഘത്തിന്റെ ഏറെ പ്രശസ്തമായ അയാം സോറി അയ്യപ്പാ… നാന് ഉള്ളേ വന്താ എന്തപ്പാ എന്ന ഹിറ്റ് പാട്ട് വേദിയില് പാടുന്നുമുണ്ട്. 13ന് ഉച്ചയ്ക്ക് 12ന് മുഖ്യമന്ത്രി പിണറായി വിജയൻ ആര്ത്തവ അയിത്തത്തിനെതിരായ മുന്നേറ്റത്തെ അഭിസംബോധന ചെയ്യാനെത്തും. കൂടാതെ കെ.പി എംഎസ് ജനറല് സെക്രട്ടറി പുന്നല ശ്രീകുമാര്, സിപിഐ ദേശീയ നേതാവ് ആനി രാജ, ആദിവാസി ഗോത്ര മഹാസഭാ നേതാവ് സി.കെ ജാനു, ബിനാലെ ക്യുറേറ്റര് അനിതാ ദുബെ, എഴുത്തുകാരി കെ. ആര് മീര, കെ. അജിത, സാറാ ജോസഫ്, സണ്ണി എം. കപിക്കാട്, സുനില് പി. ഇളയിടം തുടങ്ങി നിരവധി രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖരും പരിപാടിയുടെ ഭാഗമാകും.