തിരുവനന്തപുരം: തിരുവനന്തപുരം ജില്ലയിലെ അരുവിക്കര, നെയ്യാര് എന്നീ ഡാമുകളുടെ ഷട്ടറുകൾ തുറന്നു. അടുത്ത രണ്ട് ദിവസം ജില്ലയിൽ കനത്ത മഴയ്ക്കുള്ള സാധ്യതയുണ്ടെന്ന പ്രവചനം മുൻനിര്ത്തിയാണ് ഡാം തുറക്കാൻ തീരുമാനിച്ചത്. അതേസമയം നേരിയ തോതിൽ മാത്രം വെള്ളം തുറന്നു വിടുന്നതിനാൽ ജലാശയങ്ങളിൽ ജലനിരപ്പ് പെട്ടെന്ന് ഉയരുന്ന സാഹചര്യം ഉണ്ടാകില്ല. ജനങ്ങള് ആശങ്കപ്പെടേണ്ട കാര്യമില്ലെന്നും ജില്ലാ കളക്ടര് അറിയിച്ചു. അരുവിക്കര ഡാമിൻ്റെ ഷട്ടറുകള് 50 സെ.മി വീതവും നെയ്യാര് ഡാമിൻ്റെ നാല് ഷട്ടറുകള് ഒരിഞ്ച് വീതവുമാണ് തുറന്നിരിക്കുന്നത്. ഇന്നലെ രാത്രി എട്ടിനുള്ള കണക്കു പ്രകാരം 82.02 മീറ്ററാണ് നെയ്യാർ ഡാമിലെ ജലനിരപ്പ്. നെയ്യാര് ഡാമിൻ്റെ പരമാവധി സംഭരണ ശേഷി 84.75 മീറ്ററാണ്.
അരുവിക്കര, നെയ്യാര് ഡാമുകളുടെ ഷട്ടറുകൾ തുറന്നു, ആശങ്ക വേണ്ടെന്ന് കളക്ടര്
ഓഗസ്റ്റ് 14, 15 തീയതികളിൽ ജില്ലയിൽ കനത്ത മഴ പെയ്യാൻ സാധ്യതയുണ്ടെന്ന കാലാവസ്ഥാ പ്രവചനം മുൻനിർത്തിയാണ് ഡാമുകൾ തുറക്കാൻ തീരുമാനിച്ചത്. മഴ പെയ്താൽ ഡാം പെട്ടെന്നു തുറക്കേണ്ട സാഹചര്യം ഇതിലൂടെ ഒഴിവാക്കാനാകും.
Samayam Malayalam 13 Aug 2019, 10:39 am
ഹൈലൈറ്റ്:
- അരുവിക്കര ഡാമിൻ്റെ ഷട്ടറുകള് 50 സെ.മി വീതമാണ് ഉയർത്തിയത്.
- നെയ്യാർ ഡാമിൻ്റെ ഷട്ടറുകൾ ഒരിഞ്ചു വീതമാണ് ഉയർത്തിയത്.
- അടുത്ത രണ്ട് ദിവസം ജില്ലയിൽ കനത്ത മഴയ്ക്കുള്ള സാധ്യതയുണ്ട്.