സീറ്റ് വിഭജനം: മാണി യുഡിഎഫ് യോഗത്തിൽ പങ്കെടുത്തില്ല

തിരുവനന്തപുരം: നിയമസഭാ തിരഞ്ഞെടുപ്പിലെ സീറ്റ് വിഭജനം തീരുമാനിക്കാൻ ചേർന്ന യുഡിഎഫ് യോഗത്തിൽ നിന്ന് കേരള കോണ്‍ഗ്രസ് (എം) ചെയർമാൻ കെ.എം. മാണി വിട്ടുനിന്നു. സീറ്റ് വിഭജനത്തിലുണ്ടായ അതൃപ്തിയെ തുടർന്നാണ് മാണി വിട്ടു നിന്നത്.

സീറ്റു ചർച്ച പൂർത്തിയാക്കാതെ കോൺഗ്രസ് നേതാക്കൾ ഡൽഹിക്കു പോയതിലും പിന്നീട് ടെലിഫോണിൽ വിളിച്ച്‌ ചർച്ച നടത്തിയതിലും മാണി പ്രതിഷേധം അറിയിച്ചു.

നിലവിൽ 15 സീറ്റുകളിലാണ് കേരള കോൺഗ്രസ് മാണി വിഭാഗം മത്സരിക്കുന്നത്. ഒരു സീറ്റെങ്കിലും അധികം അനുവദിക്കണമെന്നായിരുന്നു അവസാന നിമിഷം വരെ ഇവരുടെ ആവശ്യം. എന്നാൽ കോൺഗ്രസ് ഇതിന് വഴങ്ങിയിരുന്നില്ല.