പുതുവര്‍ഷ രാവിൽ സംഘർഷം; തിരുവനന്തപുരത്ത് യുവാവ് കൊല്ലപ്പെട്ടു

തിരുവനന്തപുരം: പുതുവര്‍ഷാഘോഷത്തിനിടെ സംഘർഷത്തിൽ യുവാവ് വെട്ടേറ്റ് കൊല്ലപ്പെട്ടു. ബാലരാമപുരം ശാന്തിപുരം കോളനിയിലായിരുന്നു സംഭവം. ഇരുസംഘമായി തിരിഞ്ഞുള്ള വാക്കേറ്റമാണ് കൊലപാതകത്തിൽ കലാശിച്ചത്. മറനല്ലൂർ സ്വദേശിയായ അരുണ്‍ ജിത്താണ് കൊല്ലപ്പെട്ടത്.

കൊല്ലപ്പെട്ട അരുണ്‍ ജിത്ത് ഒട്ടേറെ ക്രിമിനൽ കേസിലെ പ്രതിയാണെന്ന് പോലീസ് വ്യക്തമാക്കി. അരുണിന്‍റെ സുഹൃത്തായ വണ്ടനൂർ സ്വദേശി അനീഷിനും വെട്ടേറ്റിട്ടുണ്ട്. ഗുരതരാവസ്ഥയിലിലുള്ള ഇയാളെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്.