മധുരൈ: ശബരിമല ദര്ശനത്തിനെത്തിയ മനിതി സംഘാംഗങ്ങളുടെ വാഹനത്തിനുനേരെ ആക്രമണം. തേനി-മധുര ദേശീയപാതയില് വെച്ചാണ് ആക്രമണം ഉണ്ടായത്. ചെന്നൈയിലേയ്ക്ക് പോകവെയാണ് ഇവര്ക്ക് നേരെ ആക്രമണം ഉണ്ടായത്. ആക്രമണത്തില് മനിതി സഞ്ചരിച്ച വാഹനത്തിന്റെ ചില്ലുകള് തകര്ന്നു. തമിഴ്നാട് പൊലീസിന്റെ സുരക്ഷയിലാണ് ഇവരുടെ യാത്ര.
ശബരിമല ദര്ശനത്തിനായെത്തിയ 11 യുവതികളാണ് പ്രതിഷേധത്തെ തുടര്ന്ന് മടങ്ങിയത്. തങ്ങളെ പോലീസ് നിര്ബന്ധപൂര്വ്വം തിരിച്ചയയ്ക്കുകയായിരുന്നുവെന്നും തങ്ങള് തിരിച്ചുവരുമെന്നും സംഘടനയുടെ കൺവീനര് സെൽവി പോലീസ് വാഹനത്തിനുള്ളിൽ നിന്ന് മാധ്യമങ്ങളോട് പറഞ്ഞു. അതേസമയം, യുവതികളുടെ സംഘം മടങ്ങാൻ സ്വയം തീരുമാനിക്കുകയായിരുന്നുവെന്നാണ് പോലീസിന്റെ വിശദീകരണം.
ശബരിമല ദര്ശനത്തിനായെത്തിയ 11 യുവതികളാണ് പ്രതിഷേധത്തെ തുടര്ന്ന് മടങ്ങിയത്. തങ്ങളെ പോലീസ് നിര്ബന്ധപൂര്വ്വം തിരിച്ചയയ്ക്കുകയായിരുന്നുവെന്നും തങ്ങള് തിരിച്ചുവരുമെന്നും സംഘടനയുടെ കൺവീനര് സെൽവി പോലീസ് വാഹനത്തിനുള്ളിൽ നിന്ന് മാധ്യമങ്ങളോട് പറഞ്ഞു. അതേസമയം, യുവതികളുടെ സംഘം മടങ്ങാൻ സ്വയം തീരുമാനിക്കുകയായിരുന്നുവെന്നാണ് പോലീസിന്റെ വിശദീകരണം.