മലപ്പുറം: കൊറോണ വൈറസ് ബാധയുമായി ബന്ധപ്പെട്ട് മലപ്പുറത്ത് 210 പേരെ പ്രത്യേക നിരീക്ഷണത്തില് നിന്ന് ഒഴിവാക്കി. നിലവിൽ ജില്ലയിൽ 243 പേരാണ് ആരോഗ്യ വകുപ്പിന്റെ പ്രത്യേക നിരീക്ഷണത്തിലുള്ളത്. ഇതില് മൂന്നുപേര് മഞ്ചേരി ഗവ മെഡിക്കല് കോളജ് ആശുപത്രിയിലെ ഐസൊലേഷന് വാര്ഡിലും 240 പേര് വീടുകളിലുമാണ് പ്രത്യേക നിരീക്ഷണത്തിൽ തുടരുന്നത്.
Also Read: കൊറോണ വൈറസ്: കോഴിക്കോട് 22 പേരെ കൂടി നിരീക്ഷണത്തില് നിന്നും ഒഴിവാക്കി
വൈറസ് ബാധിത രാജ്യങ്ങളില് നിന്നെത്തി പ്രത്യേക നിരീക്ഷണത്തില് കഴിഞ്ഞ 42 പേരാണ് ഇതുവരെ രോഗബാധയില്ലെന്നു സ്ഥിരീകരിച്ചു ആശുപത്രി വിട്ടത്. രണ്ടാം ഘട്ട വിദഗ്ധ പരിശോധനകള്ക്കയച്ച 46 സാമ്പിളുകളില് 43 പേരുടെ ഫലങ്ങള് ലഭ്യമായി. ഇവര്ക്കാര്ക്കും രോഗബാധയില്ലെന്നു ജില്ലാതല കണ്ട്രോള് സെല് വ്യക്തമാക്കി. രോഗബാധിത പ്രദേശങ്ങളില് നിന്നെത്തുന്നവരുടെ ആരോഗ്യ ജാഗ്രത ജില്ലയില് തുടരുകയാണ്. ഇക്കാര്യത്തില് വിവിധ വകുപ്പധികൃതരുടെ നടപടികളും തുടരുകയാണ്. ജില്ലയില് ആരോഗ്യ ജാഗ്രതയില് അലംഭാവം കാണിക്കരുതെന്ന് ജില്ലാ കലക്ടര് ജാഫര് മലിക് നിര്ദ്ദേശിച്ചു. രോഗ ബാധിത സ്ഥലങ്ങളില് നിന്നെത്തിയവര് രോഗലക്ഷണങ്ങളുണ്ടെങ്കില് ആരോഗ്യ വകുപ്പുമായി ബന്ധപ്പെടണമെന്നും അദ്ദേഹം കൂട്ടിച്ചേർത്തു.
Also Read: കൊറോണ വൈറസ് ആശങ്ക ഒഴിഞ്ഞ് കാസര്കോട്
കോഴിക്കോട് ജില്ലയിൽ കൊറോണ വൈറസ് ബാധയുമായി ബന്ധപ്പെട്ട് 28 ദിവസം നിരീക്ഷണ കാലാവധി പൂര്ത്തിയാക്കിയ 22 പേരെ ഒഴിവാക്കിയിരുന്നു. ജില്ലയിൽ നിരീക്ഷണത്തിൽ നിന്ന് ആകെ ഒഴിവാക്കിയവരുടെ എണ്ണം 206 ആയി. കോഴിക്കോട് ജില്ലയിൽ 208 പേരാണ് നിരീക്ഷണത്തിലുള്ളത്.
Also Read: കൊറോണ വൈറസ്: മരണസംഖ്യ 1800 കടന്നു; ഹുബെയില് ഇന്നലെ 93 മരണം