കോഴിക്കോട്: കോഴിക്കോട് ജില്ലയിൽ കൊറോണ വൈറസ് ബാധയുമായി ബന്ധപ്പെട്ട് 28 ദിവസം നിരീക്ഷണ കാലാവധി പൂര്ത്തിയാക്കിയ 22 പേരെ കൂടി നിരീക്ഷണത്തില് നിന്ന് ഒഴിവാക്കി. ഇതോടെ നിരീക്ഷണത്തിൽ നിന്ന് ആകെ ഒഴിവാക്കിയവരുടെ എണ്ണം 206 ആയി. അതേസമയം കോഴിക്കോട് പുതുതായി എട്ട് പേര് ഉള്പ്പെടെ 208 പേരാണ് നിരീക്ഷണത്തിലുള്ളത്.
Also Read: റേഷൻ കടയിലെ മോഷണ 'നാടകം'! 239 ചാക്ക് അരിയും 18 ചാക്ക് ഗോതമ്പും കടത്തിയ ഉടമ ഒടുവിൽ പിടിയില്
ഇന്ന് പുതുതായി ആരെയും ആശുപത്രികളിലെ ഐസൊലേഷന് വാര്ഡില് പ്രവേശിപ്പിക്കുകയോ ഡിസ്ചാര്ജ്ജ് ചെയ്യുകയോ ചെയ്തിട്ടില്ല. നിലവില് ബീച്ച് ആശുപത്രിയില് ഒരാളും മെഡിക്കല് കോളേജ് ആശുപത്രിയില് ഒരാളുമാണ് നിരീക്ഷണത്തിലുള്ളത്. ഇതുവരെ 31 സാംപിള് പരിശോധനയ്ക്ക് അയച്ചതില് 29 എണ്ണത്തിന്റെ പരിശോധനാ ഫലം നെഗറ്റീവാണ്.
Also Read: കൊറോണ വൈറസ് ആശങ്ക ഒഴിഞ്ഞ് കാസര്കോട്
അതേസമയം കൊറോണ വൈറസ് ബാധ സ്ഥിരീകരിച്ച കാസർകോട് ജില്ലയിൽ ആശങ്ക ഒഴിയുന്നതായി അധികൃതർ അറിയിച്ചു. നിലവിൽ കാസർകോട് ജില്ലയിൽ 71 പേരാണ് വീടുകളില് നിരീക്ഷണത്തിലുള്ളത്. ഇവരെ 28 ദിവസം പൂര്ത്തിയാക്കുന്ന മുറയ്ക്ക് നീരിക്ഷണത്തില് നിന്ന് ഒഴിവാക്കും.
Also Read: ഒലവക്കോട് റെയിൽവേ സ്റ്റേഷനിൽ നിന്ന് 40 കിലോ ഊദ് പിടികൂടി; കാഴ്ചയിൽ വെറും മരകഷ്ണം! വില കേട്ടാൽ ഞെട്ടും!