കെഎസ്‍ആര്‍ടിസി അപകടം; ബന്ധുക്കള്‍ക്ക് വിവരങ്ങള്‍ ലഭിക്കാനുള്ള നമ്പറുകള്‍

കോയമ്പത്തൂര്‍: അവിനാശിയില്‍ കെഎസ്‍ആര്‍ടിസി ബസ് ലോറിയുമായി കൂട്ടിയിടിച്ചുണ്ടായ അപകടത്തില്‍ മരണമടഞ്ഞവരുടെ ബന്ധുക്കള്‍ പാലക്കാട് ജില്ലാ പോലീസ് മേധാവിയുമായി ബന്ധപ്പെടണമെന്ന് പോലീസ് നിര്‍ദേശം.

Also Read: കെഎസ്ആർടിസി ബസിൽ ലോറിയിടിച്ച് മരണം 19; പരിക്കേറ്റവരുടെ നില ഗുരുതരം

മരണമടഞ്ഞവരുടെ ബന്ധുക്കള്‍ മൃതദേഹം തിരിച്ചറിയുന്നതിനും മറ്റു നടപടികള്‍ക്കുമായി പാലക്കാട് ജില്ലാ പോലീസ് മേധാവി ശിവ വിക്രമുമായി ബന്ധപ്പെടണമെന്ന് കേരള ഡിജിപി ലോക്നാഥ് ബെഹ്‍റയാണ് നിര്‍ദേശം നല്‍കിയത്.

വിശദവിവരങ്ങള്‍ക്ക് ബന്ധപ്പെടേണ്ട ഫോണ്‍ നമ്പര്‍ 9497996977, 9497990090, 9497962891

പാലക്കാട് ജില്ലാ പോലീസ് മേധാവി നിലവില്‍ അപകടം നടന്ന അവിനാശിയില്‍ ക്യാമ്പ് ചെയ്യുന്നുണ്ട്. അപകടത്തില്‍ മരണമടഞ്ഞവരുടെ കുടുംബാംഗങ്ങളെ സംസ്ഥാന പോലീസ് മേധാവി അനുശോചനം അറിയിച്ചു - കേരള പോലീസ് വാര്‍ത്താക്കുറിപ്പില്‍ അറിയിച്ചു.