ശബരിമലയിൽ ദർശനം കഴിഞ്ഞ് മടങ്ങിയ അയ്യപ്പ ഭക്തൻ മരിച്ചു
ദർശനം കഴിഞ്ഞ് മടങ്ങവെയാണ് ഇയാൾക്ക് നെഞ്ചുവേദന അനുഭവപ്പെട്ടത്. തുടർന്ന് ഡോളിയിൽ പ്രഥമ ശുശ്രൂഷയ്ക്കായി കൊണ്ടുപോയെങ്കിലും ജീവൻ രക്ഷിക്കാനായില്ല.
Samayam Malayalam 20 Nov 2019, 6:39 pm
പമ്പ: ശബരിമലയിൽ ദർശനം കഴിഞ്ഞ് മടങ്ങിയ അയ്യപ്പ ഭക്തൻ നെഞ്ചുവേദനയെത്തുടർന്ന് മരിച്ചു. മുംബൈ സ്വദേശിയായ എംവി ബാലനാണ് അന്തരിച്ചതെന്ന് പോലീസ് അറിയിച്ചു. ചെമ്പൂർ സ്വദേശിയായ ഇയാൾക്ക് 76 വയസായിരുന്നു.
ദർശനം കഴിഞ്ഞ് മടങ്ങവെ നെഞ്ചുവേദനയനുഭവപ്പെടുന്നതായി ഇയാൾ പറഞ്ഞതോടെ ഡോളിയിൽ പ്രഥമ ശുശ്രൂഷയ്ക്കായി മെഡിക്കൽ സെന്ററിലേക്ക് കൊണ്ടുപോവുകയായിരുന്നു. പിന്നീട് കാർഡിയാക് കെയർ സെന്ററിൽ എത്തിച്ചെങ്കിലും ജീവൻ രക്ഷിക്കാനായില്ല.