ശബരിമല സ്ത്രീ പ്രവേശനം; 30ന് അയ്യപ്പ ധര്‍മ്മസേന ഹര്‍ത്താല്‍

പത്തനംതിട്ട: ശബരിമലയിലെ സ്ത്രീ പ്രവേശനത്തില്‍ കേരള സര്‍ക്കാര്‍ ഹിന്ദു വിരുദ്ധ നിലപാട് സ്വീകരിച്ചുവെന്ന ആരോപണവുമായി അയ്യപ്പധര്‍മ്മ സേന ജൂലൈ 30 ന് സംസ്ഥാന വ്യാപകമായി ഹര്‍ത്താലിന് ആഹ്വാനം ചെയ്തു.

വിശാല വിശ്വകര്‍മ്മ ഐക്യവേദി, ശ്രീരാമ സേന, ഹനുമാന്‍ സേന ഭാരത് എന്നീ സംഘടനകള്‍ നടത്തിയ വാര്‍ത്ത സമ്മേളനത്തിലാണ് അയ്യപ്പധര്‍മ്മ സേന സമരപ്രഖ്യാപനം നടത്തിയത്. ശബരിമലയില്‍ പ്രായഭേദമന്യേ സ്ത്രീകളെ പ്രവേശിപ്പിക്കുന്നതിനെ അനുകൂലിച്ച് സംസ്ഥാന സര്‍ക്കാര്‍ സുപ്രീം കോടതിയില്‍ സത്യവാങ്മൂലം സമര്‍പ്പിച്ച സാഹചര്യത്തിലാണ് സംഘടന പ്രതിഷേധ ഹര്‍ത്താലുമായി മുന്നോട്ട് വന്നിരിക്കുന്നത്.

യുവതികള്‍ക്ക് ശബരിമലയില്‍ പ്രവേശനം നല്‍കിയാല്‍ പമ്പയില്‍ അവരെ തടയുമെന്ന് അയ്യപ്പധര്‍മ്മ സേന വ്യക്തമാക്കി.