യുവതികള്‍ പ്രവേശിച്ചാൽ അയ്യപ്പന്‍റെ ചൈതന്യം നഷ്ടമാകുമെന്ന് പ്രയാര്‍

പത്തനംതിട്ട: ശബരിമലയിൽ യുവതികള്‍ പ്രവേശിച്ചാൽ അയ്യപ്പന്‍റെ ചൈതന്യം നഷ്ടമാകുമെന്ന് ദേവസ്വം ബോര്‍ഡ് മുൻ പ്രസിഡന്‍റ് പ്രയാര്‍ ഗോപാലകൃഷ്ണൻ. യുവതികള്‍ ശബരിമലയ്ക്ക് പോയാൽ താൻ ശബരിമലയ്ക്കില്ലെന്നും പ്രയാര്‍ പറഞ്ഞു. പത്തനംതിട്ട പ്രസ് ക്ലബിൽ നടന്ന മുഖാമുഖം പരിപാടിയിൽ സംസാരിക്കുകയായിരുന്നു അദ്ദേഹം.

സാഹചര്യം വന്നാൽ ക്ഷേത്രങ്ങളിൽ കാണിക്കയിടേണ്ടെന്ന് ബോര്‍ഡ് പറയുമെന്നും സ്ത്രീപ്രവേശനത്തിനെതിരെ ഇപ്പോള്‍ നടക്കുന്ന സമരത്തിൽ രാഷ്ട്രീയമില്ലെന്നും അദ്ദേഹം പറഞ്ഞു.

സുപ്രീം കോടതി വിധിയ്ക്കെതിരെ കേന്ദ്ര - സംസ്ഥാന സര്‍ക്കാരുകള്‍ ഓര്‍ഡിനൻസ് ഇറക്കണം. ശബരിമലയിൽ യുവതികള്‍ വന്നാൽ പുരുഷനും പുലിയും പിടിക്കാമെന്നും അദ്ദേഹം കൂട്ടിച്ചേര്‍ത്തു.