ഫ്രാങ്കോ മുളയ്ക്കലിന് ഹൈക്കോടതി ജാമ്യം അനുവദിച്ചു

കൊച്ചി: കന്യാസ്ത്രീയെ പീഡിപ്പിച്ച കേസിൽ ജയിലിൽ കഴിഞ്ഞിരുന്ന ബിഷപ്പ് ഫ്രാങ്കോ മുളയ്ക്കലിന് ജാമ്യം ലഭിച്ചു. ഉപാധികളോടെയാണ് മുൻ ജലന്ധർ ബിഷപ്പിന് ഹൈക്കോടതി ജാമ്യം അനുവദിച്ചത്. കേസ് അന്വേഷണം പൂർത്തിയായെന്നും ഇനി തന്നെ കസ്റ്റഡിയിൽ വെക്കേണ്ട ആവശ്യമില്ലെന്നും ബിഷപ്പിന്റെ അഭിഭാഷകൻ കോടതിയിൽ വാദിച്ചു.

കേരളത്തിലേക്ക് ബിഷപ്പ് പ്രവേശിക്കരുതെന്നാണ് കോടതി നിർദേശിച്ച ഒരു ഉപാധി. ബിഷപ്പിന്റെ പാസ്പോർട്ട് കോടതിയിൽ സമർപ്പിക്കണം. രണ്ടാഴ്ചയിൽ ഒരിക്കൽ അന്വേഷണ ഉദ്യോഗസ്ഥന് മുൻപാകെ ബിഷപ്പ് ഹാജരാകണമെന്നും കോടതി വ്യക്തമാക്കി. പാലാ സബ് ജയിലിലാണ് ബിഷപ്പ് ഇത് വരെ കഴിഞ്ഞിരുന്നത്.