കശാപ്പ് നിരോധനം; മോദിയ്ക്ക് കത്തയക്കുമെന്ന് പിണറായി

തിരുവനന്തപുരം: കന്നുകാലി കശാപ്പ് നിരോധിച്ചു കൊണ്ടുളള കേന്ദ്ര പരിസ്ഥിതി മന്ത്രാലയം ഇറക്കിയ ഉത്തരവില്‍ കേരളത്തിന്‍റെ നിലപാട് അറിയിച്ച് കേന്ദ്രത്തിന് കത്തെഴുതുമെന്ന് മുഖ്യമന്ത്രി പിണറായി വിജയന്‍. പ്രധാനമന്ത്രി നരേന്ദ്രമോദിക്കാണ് കേന്ദ്രത്തിന്റെ തീരുമാനത്തില്‍ എതിര്‍പ്പറിയിച്ച് കത്തയക്കുന്നത്.

വിഷയത്തില്‍ സര്‍ക്കാരിനുള്ള ശക്തമായ പ്രതിഷേധം രേഖപ്പെടുത്തിയാകും കത്തയക്കുക. പുതിയ വിജ്ഞാപനം പ്രായോഗികമാക്കാന്‍ പ്രയാസമുളള തീരുമാനമാണെന്ന് കത്തില്‍ വ്യക്തമാക്കുമെന്നും പിണറായി വിജയന്‍ വ്യക്തമാക്കി.

വിജ്ഞാപനം സംസ്ഥാനത്തിന്റെ അധികാരത്തിന്‍മേലുള്ള കടന്നുകയറ്റമായാണ് സംസ്ഥാന സര്‍ക്കാര്‍ കാണുന്നത്. അതിനാല്‍ നയപരമായ തീരുമാനം ഇക്കാര്യത്തില്‍ ആവശ്യമുണ്ട്. കേന്ദ്രത്തിന്റെ മറുപടിക്കുശേഷം മാത്രമെ മറ്റ് നടപടികളിലേക്ക് കേരളം കടക്കുകയുളളൂ എന്നും പിണറായി പറഞ്ഞു.

ban on cattle slaughter; pinarayi vijayan write a letter to centre

chief minister pinarayi vijayan write a letter to centre on the issue of banning cattle slaughter.