തിരുവനന്തപുരം: എൻഡിഎയുടെ ഘടകകക്ഷിയായ ബിഡിജെഎസ് പിളർന്നു. പാർട്ടിയിൽ ജനാധിപത്യം നഷ്ടപ്പെട്ടെന്നാരോപിച്ച് ഒരു വിഭാഗം പ്രവർത്തകരാണ് ബിഡിജെഎസ് (ഡെമോക്രാറ്റിക്ക്) എന്ന പാർട്ടിക്ക് രൂപം നൽകിയിരിക്കുന്നത്. ബിഡിജെഎസ് തിരുവനന്തപുരം മുൻ ജില്ലാ പ്രസിഡന്റ് ചുഴാൽ ജി നിർമലനാണ് പാർട്ടി പ്രഖ്യാപനം നടത്തിയിരിക്കുന്നത്. എല്ലാ ജില്ലകളിലും അസ്വസ്ഥരായ നിരവധി പ്രവർത്തകർ ബിഡിജെഎസിൽ ഉണ്ടെന്നും അവർ പുതിയ പാർട്ടിയിൽ എത്തിച്ചേരുമെന്നും നിർമ്മലൻ പറഞ്ഞു.
ബിഡിജെഎസ് സംസ്ഥാന സെക്രട്ടറി താന്നിമൂട് സുരേന്ദ്രനാണ് സമ്മേളനം ഉദ്ഘാടനം ചെയ്തത്. ജില്ലാ പ്രസിഡന്റ് ചുഴാൽ ജി നിർമ്മലനെ ബിഡിജെഎസിൽനിന്നും മാസങ്ങൾക്ക് മുമ്പാണ് പുറത്താക്കിയത്. ഇതേത്തുടർന്നുണ്ടായ പ്രശ്നങ്ങളാണ് പുതിയ പാർട്ടി രൂപീകരിക്കുന്നതിലേക്ക് വഴിതെളിച്ചിരിക്കുന്നത്. വെള്ളാപ്പള്ളി നടേശന്റെ അറിവോടെയാണ് പുതിയ പാർട്ടി രൂപീകരിച്ചതെന്നാണ് വിവരം.
ബിഡിജെഎസിനെ എൽഡിഎഫിലെത്തിക്കാനുള്ള വെള്ളാപ്പള്ളി നടേശന്റെ നീക്കമാണ് പുതിയ പാർട്ടിക്കു പിന്നിലെന്നാണ് വിവരം. നേരത്തെ അത്തരത്തിലൊരു നീക്കം നടത്തിയെങ്കിലും തുഷാർ വെള്ളാപ്പള്ളി ഇതിനോട് സഹകരിച്ചിരുന്നില്ല. മുഖ്യമന്ത്രി പിണറായി വിജയനോട് അടുത്ത ബന്ധം സൂക്ഷിക്കുന്നതിനാൽ വെള്ളാപ്പള്ളിതന്നെയാണ് പുതിയ നീക്കത്തിനു പിന്നിലെന്നാണ് സൂചന.
ബിഡിജെഎസ് സംസ്ഥാന സെക്രട്ടറി താന്നിമൂട് സുരേന്ദ്രനാണ് സമ്മേളനം ഉദ്ഘാടനം ചെയ്തത്. ജില്ലാ പ്രസിഡന്റ് ചുഴാൽ ജി നിർമ്മലനെ ബിഡിജെഎസിൽനിന്നും മാസങ്ങൾക്ക് മുമ്പാണ് പുറത്താക്കിയത്. ഇതേത്തുടർന്നുണ്ടായ പ്രശ്നങ്ങളാണ് പുതിയ പാർട്ടി രൂപീകരിക്കുന്നതിലേക്ക് വഴിതെളിച്ചിരിക്കുന്നത്. വെള്ളാപ്പള്ളി നടേശന്റെ അറിവോടെയാണ് പുതിയ പാർട്ടി രൂപീകരിച്ചതെന്നാണ് വിവരം.
ബിഡിജെഎസിനെ എൽഡിഎഫിലെത്തിക്കാനുള്ള വെള്ളാപ്പള്ളി നടേശന്റെ നീക്കമാണ് പുതിയ പാർട്ടിക്കു പിന്നിലെന്നാണ് വിവരം. നേരത്തെ അത്തരത്തിലൊരു നീക്കം നടത്തിയെങ്കിലും തുഷാർ വെള്ളാപ്പള്ളി ഇതിനോട് സഹകരിച്ചിരുന്നില്ല. മുഖ്യമന്ത്രി പിണറായി വിജയനോട് അടുത്ത ബന്ധം സൂക്ഷിക്കുന്നതിനാൽ വെള്ളാപ്പള്ളിതന്നെയാണ് പുതിയ നീക്കത്തിനു പിന്നിലെന്നാണ് സൂചന.