പൊലീസ് അഴിച്ചുപണി സര്‍ക്കാര്‍ തീരുമാനം: ലോക്നാഥ് ബെഹ്‍റ

പൊലീസ് തലപ്പത്തെ അഴിച്ചുപണി സര്‍ക്കാര്‍ തീരുമാനമാണെന്നും പ്രതികരിക്കാനില്ലെന്നും പുതിയ പൊലീസ് മേധാവിയായി നിയമിച്ച ലോക്നാഥ് ബെഹ്‍റ. വനിതാ സുരക്ഷയ്ക്ക് മുന്‍ഗണന നല്‍കും. സേനാ നവീകരണത്തിനും പ്രാമുഖ്യം നല്‍കും. ജിഷയുടെ ഘാതകനെ പിടികൂടും. എന്നും ശുഭാപ്തി വിശ്വാസത്തോടെയാണ് പ്രവര്‍ത്തിച്ചിട്ടുള്ളതെന്നും ബെഹ്‍റ പറഞ്ഞു.

സംസ്ഥാന പൊലീസ് മേധാവിയായി ഡിജിപി ലോക്നാഥ് ബെഹ്റയെ സര്‍ക്കാര്‍ നിയമിച്ചിരുന്നു. ഇതുസംബന്ധിച്ച ഫയലില്‍ ഇന്നലെയാണ് മുഖ്യമന്ത്രി പിണറായി വിജയന്‍ ഒപ്പുവച്ചത്. നിലവില്‍ ലോക്നാഥ് ബഹ്‍റ ഫയര്‍ഫോഴ്സ് കമന്‍ഡാന്റ് ജനറലാണ്.