കണ്ണൂര്‍: ശ്രാവണബലഗൊള-ബെംഗളുരു റെയില്‍പ്പാതയുടെ നിര്‍മാണം പൂര്‍ത്തിയായത് ഉത്തര കേരളത്തിന്‍റെ യാത്രാ സ്വപ്നങ്ങള്‍ക്ക് പ്രതീക്ഷയേകുന്നു. കണ്ണൂരില്‍നിന്ന് ബെംഗളുരുവിലേക്കുള്ള ദൂരം 113 കിലോ മീറ്റര്‍ കുറയ്ക്കാന്‍ ഈ പാത സഹായിക്കും എന്നതിനാല്‍ മലബാറില്‍നിന്ന് ബെംഗളുരുവിലേക്കുള്ള യാത്രാ സമയത്തിലും കുറവുണ്ടാകും. ജനപ്രതിനിധികള്‍ ഒത്തുപിടിച്ചാല്‍ ബെംഗളുരു മലയാളികള്‍ക്ക് കുറഞ്ഞ ചിലവില്‍ കുറഞ്ഞ സമയംകൊണ്ട് യാത്രചെയ്യാന്‍ കഴിയുന്ന സംവിധാനമൊരുക്കാനാകും.
നിലവില്‍ കണ്ണൂരില്‍നിന്ന് സേലം, ധര്‍മപുരി വഴി ബെംഗളുരുവിലേക്കുള്ള ദൂരം 650 കിലോ മീറ്ററാണ്. പകരം മംഗലാപുരം, ശ്രാവണബലഗൊള വഴി യാത്ര ചെയ്താല്‍ 537 കിലോ മീറ്റര്‍ മാത്രമേ വരൂ. അതിനാല്‍ കണ്ണൂരില്‍നിന്ന് മംഗലാപുരം, ഹാസന്‍, ശ്രാവണബലഗൊള വഴി പുതിയ തീവണ്ടി ഓടിച്ചാല്‍ ഉത്തര മലബാറില്‍നിന്ന് ബെംഗളുരുവിലേക്കുള്ള യാത്രാ ക്ലേശത്തിന് ഒരു പരിധി വരെ പരിഹാരമാകും.
നിര്‍മാണം പൂര്‍ത്തിയായ ശ്രാവണബലഗൊള-ബെംഗളുരു റെയില്‍പ്പാത റെയില്‍വേ സുരക്ഷാ കമ്മീഷണറുടെ പരിശോധനയ്ക്കു ശേഷം തുറന്നുകൊടുക്കും.
Newly-constructed Bengaluru-Shravanabelagola train route gives hope to passengers from Malabar.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
