മീ ടൂ ആരോപണം: റിയാസ് കോമുവിനെതിരെ നടപടി

കൊച്ചി: മീ ടൂ ആരോപണത്തിന്‍റെ പശ്ചാത്തലത്തില്‍ ബിനാലെ ഫൗണ്ടേഷന്‍ സെക്രട്ടറി റിയാസ് കോമുവിനെതിരെ നടപടി. ബിനാലെ ഫൗണ്ടേഷന്‍റെ അടിയന്തിര യോഗമാണ് കോമുവിനെതിരെ നടപടിയെടുക്കാന്‍ തീരുമാനിച്ചത്. ബിനാലെയുമായി ബന്ധപ്പെട്ട മുഴുവന്‍ ചുമതലകളില്‍ നിന്നും കോമുവിനെ നീക്കുന്നതായി ബിനാലെ ഫൗണ്ടേഷന്‍ വാര്‍ത്താക്കുറിപ്പിലൂടെ അറിയിച്ചു.

റിയാസ് കോമുവിനെതിരായ ആരോപണം ഗൗരവസ്വഭാവമുള്ളതാണെന്ന് യോഗമ വിലയിരുത്തി. ഇതുസംബന്ധിച്ച് വിശദമായി അന്വേഷിക്കാന്‍ യോഗം പ്രത്യേക കമ്മിറ്റിയെ നിയോഗിച്ചു. പരാതി ലഭിച്ചിട്ടില്ലെങ്കിലും സ്ത്രീകള്‍ക്ക് നേരെയുള്ള അതിക്രമങ്ങള്‍ക്കെതിരെ ശക്തമായ നിലപാട് സ്വീകരിക്കുമെന്നും ബിനാലെ ഫൗണ്ടേഷന്‍ വ്യക്തമാക്കി.