തിരുവനന്തപുരം: തിരുവനന്തപുരം പട്ടത്ത് ബൈക്ക് നിയന്ത്രണം വിട്ട് ഡിവൈഡറിലിടിച്ച് യുവാവ് മരിച്ചു. കവടിയാർ സ്വദേശി സഞ്ജു ജോൺ മാത്യു (25) ആണ് അപകടത്തിൽ മരിച്ചത്. ഇന്നലെ ഉച്ചയ്ക്ക് പന്ത്രണ്ടോടെ പട്ടം പി.എസ്.സി ഓഫീസിന് എതിർവശത്ത് വെച്ചായിരുന്നു സംഭവം നടന്നത്. ബൈക്ക് നിയന്ത്രണം വിട്ട് റോഡ് ഡിവൈഡറിൽ ഇടിച്ച് സഞ്ജു ബൈക്കിൽ നിന്നും തെറിച്ചു വീണു. സാരമായി പരിക്കേറ്റ ഇയാളെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരിച്ചിരുന്നു. മൃതദേഹം പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടുനൽകി.
അതേസമയം ഇന്നലെ രാത്രിയിലും ഇന്ന് പുലര്ച്ചെയുമായി സംസ്ഥാനത്തെ നിരത്തുകളിൽ വിവിധ അപകടങ്ങളിലായി പൊലിഞ്ഞത് പത്തോളം ജീവനുകളാണ്.
തിരുവനന്തപുരത്ത് ജീപ്പും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് പേരും കോട്ടയം പൊൻകുന്നത്ത് കാറപകടത്തിൽ മൂന്ന് പേരും മരിച്ചു.
അതേസമയം ഇന്നലെ രാത്രിയിലും ഇന്ന് പുലര്ച്ചെയുമായി സംസ്ഥാനത്തെ നിരത്തുകളിൽ വിവിധ അപകടങ്ങളിലായി പൊലിഞ്ഞത് പത്തോളം ജീവനുകളാണ്.
തിരുവനന്തപുരത്ത് ജീപ്പും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് പേരും കോട്ടയം പൊൻകുന്നത്ത് കാറപകടത്തിൽ മൂന്ന് പേരും മരിച്ചു.