കാന്‍സര്‍ രോഗികള്‍ക്കായി മുടി മുറിച്ച് ബിന്ദു കൃഷ്ണ

കൊല്ലം: കാന്‍സര്‍ രോഗികള്‍ക്കായി ഡി.സി.സി പ്രസിഡന്റ് ബിന്ദു കൃഷ്ണ മുടി മുറിച്ച് നല്‍കി. കഴിഞ്ഞദിവസം കൊല്ലം ഡി.സി.സി ഓഫീസില്‍ ചേര്‍ന്ന ചടങ്ങിലാണ് ഡി.സി.സി പ്രസിഡന്റ് മുടി ദാനം ചെയ്തത്. ബിന്ദു കൃഷ്ണയ്ക്ക് ഐക്യദാര്‍ഡ്യം പ്രകടിപ്പിച്ച് മഹിളാ കോണ്‍ഗ്രസിലെ 25 പ്രവര്‍ത്തകരും മുടി ദാനം ചെയ്തു.



ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ നടപ്പാക്കുന്ന ജീവകാരുണ്യ പദ്ധതിയായ ‘സ്‌നേഹസ്പര്‍ശ’ത്തിന്റെ ഉദ്ഘാടനത്തിന്റെ ഭാഗമായാണ് മുടിമുറിച്ചു നല്‍കിയത്. കാന്‍സര്‍ രോഗം ബാധിച്ച് മുടി നഷ്ടപ്പെട്ടവര്‍ക്ക് വിഗ്ഗ് നിര്‍മ്മിക്കുന്നതിനായി ചങ്ങനാശ്ശേരി സര്‍ഗ്ഗക്ഷേത്രയുമായി സഹകരിച്ചുള്ള പദ്ധതിയും ബിന്ദു കൃഷ്ണ ഉദ്ഘാടനം ചെയ്യുകയും ചെയ്തു.

Kollam District congress committe president Bindu Krishna donated her hair to cancer affected people.