Bindu Sabarimala: ബിന്ദുവിൻ്റെ മകള്‍ക്ക് സ്‌കൂളില്‍ പ്രവേശനം നിഷേധിച്ചു

പമ്പ: ശബരിമല ദ‍ർശനത്തിന് ശ്രമിച്ച അധ്യാപിക ബിന്ദു തങ്കം കല്യാണിയുടെ മകൾക്ക് പ്രവേശനം നിഷേധിച്ച് സ്കൂൾ അധികൃത‍ർ. കേരള തമിഴ്നാട് അതി‍ർത്തിയിലുള്ള വിദ്യ വനം ഹയര്‍സെക്കൻ്ററി സ്‌കൂളാണ് പ്രവേശനം നിഷേധിച്ചത്. പ്രശ്നങ്ങൾ അവസാനിച്ചിട്ട് അഡ്മിഷൻ തരാമെന്ന് അധികൃത‍ർ പറഞ്ഞതായി ബിന്ദു തങ്കം കല്യാണി ഫേസ്ബുക്കിൽ കുറിച്ചു.


പ്രതിഷേധത്തെ ഭയന്നാണ് സ്കൂൾ അധികൃത‍ർ പ്രവേശനം നിഷേധിക്കുന്നതെന്ന് ബിന്ദു പറയുന്നു. സുപ്രിം കോടതി വിധിയുടെ അടിസ്ഥാനത്തിലാണ് ബിന്ദു തങ്കം കല്യാണി ഒക്ടോബര്‍ 22ന് മല കയറാനെത്തിയത്. പ്രതിഷേധത്തെ തുടര്‍ന്ന് തിരികെ പോവുകയായിരുന്നു.